Кубінскія ўлады і сябры Выспы свабоды заяўляюць: Фідэль Кастра ідзе на папраўку
Прэзыдэнт Кубы Фідэль Кастра папраўляецца пасьля апэрацыі на кішэчніку і мае намер вярнуцца да кіраўніцтва краінай цераз некалькі тыдняў, заяўляюць прадстаўнікі кубінскага кіраўніцтва.
Сакратар выканкаму ўраду Карляс Лахе адкінуў паведамленьні некаторых СМІ пра тое, што кубінскі лідэр нібыта хворы на рак страўніка. «Празь некалькі тыдняў ён будзе канчаткова здаровы і вернецца да сваіх абавязкаў», -- заявіў Лахе падчас візыту ў Балівію.
Прэзыдэнт Вэнэсуэлы Уга Чавэс – блізкі саюзьнік Кубы ў рэгіёне – зазначыў, што паводле ягоных зьвестак, Кастра ўжо ўстае з ложку і можа размаўляць.
У пачатку жніўня было абвешчана, што Фідэль часова перадаў паўнамоцтвы прэзыдэнту брату Раулю, які займае пост міністра абароны. Кубінскі лідэр упершыню склаў зь сябе паўнамоцтвы лідэра дзяржавы з мамэнту свайго прыходу да ўлады ў 1959 г. (цягам 47 гадоў).
Сам Фідэль Кастра, якому 13 жніўня спаўняецца 80 гадоў, кажа, што напружаны рабочы графік апошніх некалькіх тыдняў пашкодзіў ягонаму здароўю.
Кубінскія ўлады трымаюць у сакрэце падрабязную інфармацыю пра здароўе Кастра, заяўляючы, што абнародаваньне гэтых зьвестак можа пашкодзіць нацыянальнай бясьпецы.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45
Каментары