Афарбоўка сцен — выдатны спосаб асвяжыць свой дом. Але некаторыя колеры, па словах экспертаў, зробяць прастору не вельмі ўтульнай. Таксама, калі вы збіраецеся прадаваць жытло, яны могуць знізіць яго цану.
Некаторыя колеры сцен у кватэры могуць сапсаваць агульны стыль і зрабіць ваш дом танным і не вельмі прывабным, мяркуе эксперт па дызайне інтэр'ера Раян Макдонаф. Вось колеры, якіх ён раіць пазбягаць, піша Express.co.uk.
1. Цёмна-карычневы або тэракотавы
Тады як некаторыя адценні бэжавага могуць стварыць адчуванне цяпла, карычневы колер эксперты не раяць выкарыстоўваць.
Па словах Раяна, «цёмна-карычневыя і тэракотавыя адценні могуць зрабіць ваша жытло цёмным, брудным і маленькім», таму лепш не фарбаваць у гэты колер усе сцены. Аднак карычневыя акцэнты могуць быць у дэкоры — галоўнае, каб гэты колер не пераважаў.
Карычневыя ці тэракотавыя сцены могуць нават знізіць цану вашага дома, што не вельмі добра для тых, хто плануе ў хуткім часе прадаць сваё жытло. Замест названых адценняў лепш прытрымлівацца больш нейтральнага ці прыглушанага бэжавага тону.
2. Ярка-жоўты
Хоць жоўты — вельмі цёплы і сонечны колер, яго варта пазбягаць, калі вы не хочаце, каб ваш дом выглядаў танна.
Па словах эксперта, такі насычаны колер стымулюе эмоцыі, але не ў добрым сэнсе. Ярка-жоўты можа выклікаць празмернае ўзбуджэнне, трывогу або нервовасць.
Раян таксама адзначае, што жоўты «захоплівае ўладу ў пакоі» так, што можа нават пачаць прыгнятаць. Таксама ён моцна адцягвае ўвагу і робіць іншыя элементы пакоя непрыкметнымі.
Тым, хто хоча выкарыстаць жоўты колер у дэкоры свайго дома, Раян рэкамендуе зрабіць жоўтай толькі адну сцяну або некалькі прадметаў.
3. Зялёны мох
Лічыцца, што зялёны колер вельмі расслабляе і супакойвае. «Аднак лепш пазбягаць адценняў моху і шалфею», — кажа дызайнер.
Па словах Раяна, гэтыя колеры могуць зрабіць пакой цёмным і брудным. Таксама кватэра ў такіх колерах выглядае нашмат меншай, чым ёсць.
«Замест гэтага лепш абраць пастэльныя ці прыглушаныя зялёныя адценні. Гэтыя альтэрнатыўныя тоны дапамогуць вам ажывіць пакой і дадаць прасторы спакою».
4. Глыбокі фіялетавы
Яркія фіялетавыя адценні, як вядома, вельмі стымулююць. Хоць гэта можа быць добра для офіса, а не для пакояў у кватэры.
Раян папярэджвае: «Цёмна-фіялетавы асабліва не падыходзіць для спальні, бо вядома, што ён выклікае яркія сны, а часам нават і кашмары».
Паводле яго слоў, цёмна-фіялетавыя адценні будуць лепш глядзецца ў якасці акцэнтаў, а не як асноўная фарба для сцен.
Тым не менш, калі вы ўсё адно хочаце пафарбаваць пакой у фіялетавы колер, лепш выкарыстоўваць светлыя варыянты фіялетавага, напрыклад, бэзавы ці лавандавы.
5. Колеры, блізкія да белага, або яечная шкарлупіна
Многім людзям падабаецца, як выглядаюць нейтральныя, блізкія да белага сцены. Аднак Раян звяртае ўвагу, што гэта можа зрабіць пакой «безжыццёвым або бляклым».
Ён кажа: «Калісьці адценні белага і колер яечнай шкарлупіны былі вельмі папулярныя. Аднак сёння гэта ўжо не так, бо людзі заўважылі, што такія адценні робяць пакой сумным, безжыццёвым і бляклым. У асноўным гэта звязана з тым, што яны не даюць ніякай яркасці.
«Таксама асвятленне ў пакоі можа зрабіць колеры, блізкія да белага, бляклымі і таннымі.
Гэтыя адценні таксама могуць зменшыць цану вашай нерухомасці. Лепш абраць больш яркі белы тон ці ўвогуле іншы колер».
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода17
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары
Как достали со своими идиотизма и.