У Расіі знайшлі мёртвым 59-гадовага Вячаслава Раўнейку — буйнога нафтавага магната канца 90-х і нулявых, былога партнёра зяця Барыса Ельцына. Ён памёр у катэджы пад Масквой, піша «Маскоўскі камсамолец».
Па інфармацыі выдання, 59-гадовага бізнэсмена знайшлі без прытомнасці ўчора каля 23.00 у яго доме ў катэджным пасёлку ў Падмаскоўі. Выратаваць мужчыну не ўдалося.
Прычыны і абставіны гібелі бізнэсмена не паведамляюцца, але сцвярджаецца, што ў яго смерці нібыта няма крымінальнага следу.
Вячаслаў Раўнейка — выпускнік МДІМА, працаваў у фірме «Саюзнафтаэкспарт», нейкі час — у Бельгіі. У 2000 годзе з Леанідам Дзячэнкам — на той момант мужам дачкі экс-прэзідэнта Расіі Барыса Ельцына Таццяны Дзячэнка — заснаваў кампанію Urals Energy N. V., быў таксама саўладальнікам бельгійскай нафтатрэйдынгавай кампаніі Nafta (B) N. V. і гендырэктарам Міжрэгіянальнага паліўнага саюза.
Расійскія СМІ раней пісалі, што падчас працы ў Бельгіі Раўнейка мог быць добра знаёмы з цяперашнім кіраўніком замежнай разведкі Расіі Сяргеем Нарышкіным, ды і сам мог мець сувязі з гэтай самай разведкай.
У апошні год навіны пра тое, што ў Расіі пры цьмяных абставінах гінуць, паміраюць ці канчаюць жыццё самагубствам былыя ці цяперашнія чыноўнікі, сілавікі ці буйныя бізнэсмены, прыходзяць дастаткова рэгулярна.
Чытайце таксама:
У Маскве скончыў жыццё самагубствам былы высокапастаўлены сілавік, які змагаўся і з іншадумствам
У Расіі выпала з акна начальніца ўпраўлення фінансавага забеспячэння Міністэрства абароны РФ
Самагубствы, забойствы і няшчасныя выпадкі. Як хваля смерцяў захліснула буйны расійскі бізнэс
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны5
Каментары