У беларускім МТС расказалі, ці будуць мяняць лагатып следам за расіянамі
МТС у Расіі днямі абвясціў пра маштабны рэбрэндынг свайго лагатыпа: з яго прыбралі белае яйка, што было сімвалам мабільнага аператара з 2006 года. Выданне Office Life пацікавілася ў беларускай кампаніі МТС, ці варта зараз чакаць падобных абнаўленняў і ад яго.
У прэс-службе беларускай кампаніі МТС расказалі пра свае планы так: пасля таго, як пра пачатак рэбрэндынгу заявілі ў Расіі, у Беларусі звыклы лагатып таксама можа памяняць аблічча.
«СТАА «Мабільныя Тэлесістэмы» з'яўляецца даччынай кампаніяй ПАО «МТС». Пытанне аб змене айдэнтыкі ў Беларусі знаходзіцца цяпер на этапе абмеркавання», — паведамілі афіцыйныя прадстаўнікі кампаніі.
Апошні раз у беларускага МТС лагатып мяняўся ў 2019 годзе, праз некалькі месяцаў пасля яго карэктавання расійскай кампаніяй.
У беларускім МТС расійскай кампаніі належыць 49%, а астатнія 51% знаходзіцца ва ўласнасці дзяржавы праз кампанію «Белтэлекам».
Цяпер чытаюць
Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару5
Каментары