Да затрыманай у райцэнтры Круглае на Магілёўшчыне Аліны Гаравай увечары 30 сакавіка выклікалі «хуткую», паведамляе Mayday Team. На той момант жанчына яшчэ знаходзілася ў Круглянскім РАУС і чакала адпраўкі ў магілёўскі СІЗА.
Паводле інфармацыі праваабаронцаў, у жанчыны абвастрыліся хранічныя захворванні. Сілавікі не далі яе шпіталізаваць, патлумачыўшы гэта тым, што ў СІЗА, куды яна павінна была пасля накіравацца, маецца дзённы стацыянар.
Днямі паведамлялася, што сілавікі правялі аблаву ў Круглым. Адносна затрыманых была заведзеная крымінальная справа па артыкуле 342 КК аб арганізацыі і падрыхтоўцы дзеянняў, якія груба парушаюць грамадскі парадак.
Сярод іншых быў арыштаваны адзін з самых паспяховых мясцовых прадпрымальнікаў, Аляксандр Калін. Акрамя таго, 27 сакавіка ў рамках гэтай крымінальнай справы пасля ператрусаў былі папярэдне ўзятыя пад варту на 72 гадзіны жыхары Круглага Аліна Горава, Улад Лагуценка і былы галоўны ўрач санстанцыі Аляксей Цыганаў.
Дачку і сына Аляксандра Каліна адпраўлялі на «суткі» ў ІЧУ, а 29 сакавіка ператрусы прайшлі ў яго бацькі і жонкі.
Цяпер чытаюць
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча12
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары