Амаль 300 беларусаў не змаглі легалізавацца ў Літве, бо падтрымліваюць Расію і вайну
У кулуарах II Беларускага бізнэс-форуму ў Вільні выданне «Зеркало» распытала кіраўніцу Дэпартамента міграцыі МУС Літвы Эвеліну Гудзінскайце, колькі беларусаў не змаглі легалізавацца ў Літве з-за таго, што падтрымліваюць вайну ці прызнаюць Крым расійскім. Аказалася, што з пачатку года такіх набралася ўжо 280.
Гэтыя людзі выказалі падтрымку расійскай агрэсіі супраць Украіны ці адзначылі, што «Крым — расійскі», у анкеце, якая запаўняецца пры падачы дакументаў для легалізацыі ў Літве.
Паводле Эвеліны Гудзінскайце, часта гэтыя людзі хочуць пераехаць для таго, каб працаваць у Літве. А такую пазіцыю ў дачыненні да вайны ва Украіне літоўская чыноўніца тлумачыць уплывам беларускай і расійскай прапаганды.
Усяго ў Літве цяпер жывуць 55 тысяч беларусаў, якія маюць на руках дазвол на жыхарства або аналагічны дакумент.
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку32
Каментары
Heta jakraz sapraŭdnyja biela-ruskija. Jak karabieĺ nazavieš, tak i paplyvieš. Pry kryvičach takoha b nie bylo.