Калабарант Сальда загаварыў па-ўкраінску і заклікаў «забыць усё, што было». Але гэта не тое, пра што вы падумалі
Кіраўнік акупаванай часткі Херсонскай вобласці Уладзімір Сальда нечакана звярнуўся да ўкраінскіх вайскоўцаў на ўкраінскай мове і папрасіў забыць усе спрэчкі.
«Асабіста хачу звярнуцца да ўкраінскіх воінаў. Хлопцы… Мы не ворагі. Зразумейце, мы пераважна родныя людзі. І быў час, калі мы, можа, і спрачаліся, а, можа, і не спрачаліся, але ў нас ёсць усё для таго, каб забыць спрэчкі. … Давайце забудземся пра ўсё, што было. Давайце аб'яднаемся і развернемся ў іншы бок і зробім усё, каб завяршыць вайну. І мы зноў жылі дружна разам», — заявіў калабарант.
Сальда называе «самым вялікім здзекам» тое, што ва Украіне адбылася дэкамунізацыя. Таксама ў звароце ён паўтарыў прапагандысцкія штампы пра знішчэнне савецкіх помнікаў і пра тое, што за Украінай стаіць Амерыка.
Украінскія СМІ заўважаюць, што сёння было прынятае рашэнне, канфіскаваць частку актываў Сальда ва Украіне. Раней у калабаранта знайшлі кампанію, звязаную са збожжам, якую ён зарэгістраваў у Вялікабрытаніі.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары