Саўмін Беларусі пастановай №302 ад 11 мая 2023 года зацвердзіў новую версію пераліку юрыдычных асоб, «якія забяспечваюць функцыянаванне стратэгічна значных галін эканомікі і (або) іншыя важныя дзяржаўныя патрэбы». Пры гэтым новы пералік не публікуецца.
Першы пункт пастановы, якая ўступае ў сілу 1 кастрычніка 2023 года, выдадзены з грыфам «Для службовага карыстання». У другім жа, адкрытым — толькі пералік нарматыўных актаў, якія страчваюць сілу.
Дзейная на гэты момант версія пераліку, зацверджаная пастановай Саўміна №964 ад 11 лістапада 2013 года, налічвае 86 прадпрыемстваў і арганізацый. Сярод іх такія, як БелАЗ, «Інтэграл», «Атлант», БМЗ, МТЗ, іншыя прамысловыя гіганты, прадпрыемствы Дзяржкамваенпрама, Беларуськалій, шэраг НПЦ, цэментныя і цукровыя заводы, Светлагорскі ЦКК і іншыя.
Цяпер чытаюць
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары