Беларусаў, што вывесілі беларускі і ўкраінскі сцягі на апоры ЛЭП, будуць судзіць па чатырох артыкулах Крымінальнага кодэкса
За вывешаныя ў кастрычніку мінулага года бела-чырвона-белы і ўкраінскі сцягі ў Мінску групе мінчукоў выстаўлены абвінавачанні паводле некалькіх артыкулаў Крымінальнага кодэкса. Падрабязнасці распавёў Следчы камітэт.
СК піша, што ў лютым мінулага года 36-гадовы індывідуальны прадпрымальнік вырашыў вырабіць украінскі і бела-чырвона-белы сцягі, дзеля чаго звярнуўся да знаёмай краўчыхі.
У кастрычніку ён з сябрамі вырашыў вывесіць сцягі на ўсеагульны агляд. Задума была рэалізаваная на высакавольтнай апоры, размешчанай на скрыжаванні вуліц Рафіева і Семянякі: два чалавекі вывешвалі сцягі, а астатнія ўдзельнікі кантралявалі абстаноўку, знаходзячыся ўнізе.
Ужо на наступны дзень у адным з тэлеграм-каналаў, прызнаным экстрэмісцкім, з'явілася публікацыя аб праведзенай акцыі.
Праз некалькі дзён мінчукоў затрымала міліцыя. Таксама паведамляецца, што той самы 36-гадовы мужчына паўгода размяшчаў у інтэрнэце каментары, якія абражалі Лукашэнку, а таксама неаднаразова пераводзіў грошы для фінансавання «экстрэмісцкай дзейнасці».
У выніку ўсім удзельнікам акцыі выстаўлены абвінавачанні па некалькіх артыкулах Крымінальнага кодэкса:
ч. 2 арт. 339 (злоснае хуліганства);
арт. 361-2 (перадача грашовых сродкаў для яўнага забеспячэння дзейнасці экстрэмісцкага фарміравання);
ч. 1 арт. 368 (публічная абраза Лукашэнкі);
ч. 4 арт. 361-4 (садзейнічанне экстрэмісцкай дзейнасці, здзейсненае групай асоб па папярэдняй змове);
Да пяці з іх з санкцыі пракурора прыменена мера стрымання ў выглядзе змяшчэння пад варту.
Магчыма, гаворка ідзе пра Ігара Цяпцеева, Юрыя Несцярэнку, Віктара Грынько, Валерыя Балабешку, Уладзіміра Савельева, Ігара Цікача, удакладняе «Вясна».
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары