Група апазіцыйных палітыкаў 16—17 лістапада знаходзіцца з візітам у Бруселі, паведаміў намеснік старшыні руху «За Свабоду» Віктар Карняенка.
У складзе дэлегацыі — старшыня руху «За Свабоду» Аляксандр Мілінкевіч, яго намеснік Юрый Губарэвіч, старшыня Партыі БНФ Аляксей Янукевіч, сустаршыня аргкамітэта па стварэнні партыі «Беларуская хрысціянская дэмакратыя» Павел Севярынец, дэпутат Вярхоўнага савета XIII склікання Андрэй Клімаў.
Запланаваны сустрэчы беларускіх палітыкаў са старшынёй Еўрапарламента Ежы Бузекам і кіраўніком парламенцкай дэлегацыі па сувязях з Беларуссю Яцэкам Пратасевічам, а таксама з прадстаўнікамі Еўракамісіі.
«На сустрэчах будзе абмяркоўвацца прынятая на Беларускім еўрапейскім форуме праграма дзеянняў», — зазначыў Карняенка.
Як раней паведамляся, 17 лістапада на пасяджэнні міністраў замежных спраў краін ЕС у Бруселі плануецца разгледзець пытанне аб візавых санкцыях у дачыненні да беларускіх чыноўнікаў.
Апрача таго, гэтымі днямі ў Бруселі праходзіць Форум грамадзянскай супольнасці ў межах ініцыятывы ЕС «Усходняе партнёрства», у працы якога бяруць удзел прадстаўнікі 27 няўрадавых арганізацый Беларусі.
У прыватнасці, для ўдзелу ў форуме ў Бруселі знаходзяцца прадстаўнікі маладзёжнай арганізацыі «Малады фронт», Асамблеі недзяржаўных дэмакратычных аб’яднанняў, шэрагу экалагічных арганізацый, а таксама прафсаюзаў, у тым ліку старшыня Федэрацыі прафсаюзаў Беларусі Леанід Козік.
Цяпер чытаюць
Лосік расказаў, як Бабарыку катавалі ў наваполацкай калоніі13
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х99
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х9
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары