Грамадства2525

Шаўчэнка: Крэмль хацеў бы замяніць Лукашэнку, і я ведаю на каго

Народны дэпутат Украіны Яўген Шаўчэнка, які мае сувязі з вышэйшым кіраўніцтвам Беларусі, расказаў, чаму Лукашэнка нязручны Пуціну і якую для яго замену знайшлі ў Маскве.

Yevheniy Shevchenko Яўген Шаўчэнка Евгений Шевченко
Народны дэпутат Украіны Яўген Шаўчэнка падчас інтэрв'ю. Стоп-кадр відэа

У інтэрв'ю ютуб-каналу «Фабрика новин» народны дэпутат Украіны Яўген Шаўчэнка выказаў думку, што Масква зацікаўленая ў тым, каб Лукашэнка не быў на чале Беларусі. Акрамя гэтага, ён выказаўся аб тым, што ведае аб планах Крамля замяніць Лукашэнку на іншага чалавека.

«На каго дакладна, я не буду цяпер называць. Але гэта багаты чалавек, бізнэсмен. Ён родам з Беларусі. Гэты чалавек выконваў бы ўсе капрызы Пуціна па першай камандзе».

Шаўчэнка адзначыў, што для Пуціна Лукашэнка — не вельмі зручная фігура, бо не будзе проста так выконваць нейкія загады. Дэпутат лічыць, што не трэба сурʼёзна ўспрымаць і заявы Лукашэнкі адносна вайны з Украінай і яго дачыненне да яе пачатку.

«Усе яго дзеянні, калі прааналізаваць лагічна, а не праз эмоцыі, нават калі ён Пуціну казаў: «Правільна, што напалі. Яны б напалі на нас. Гэта прэвентыўныя меры». Гэтыя словы сведчаць толькі аб тым, што ён не быў далучаны да гэтага працэсу. І гэты яго званок а 5-й ранку Пуціну. Калі ты «ў тэме» з імі, чаму ты яму звоніш а пятай ранку?

Я ведаю псіхатып Лукашэнкі і ўпэўнены, што ён не быў далучаны да гэтай тэмы наўпрост. Яго выкарысталі».

На пытанне, як магло так стацца, што ўварванне адбылося і з тэрыторыі Беларусі без ведама Лукашэнкі, народны дэпутат адказаў:

«Вы ж памятаеце, што ў той час гулялі ў ваенныя вучэнні, ганялі туды-сюды войскі. А потым Лукашэнка апраўдваўся: «Я свой, я з вамі». Магчыма, ён думаў, што атрымаецца за тры дні, і тады яны будуць разам дзяліць ахвяру».

А заява Лукашэнкі «Я вам пакажу, адкуль рыхтавалася нападзенне», на думку Шаўчэнкі, адрасавалася Пуціну. Такім чынам ён сябе і праявіў. Ён раіць поўнасцю паглядзець запіс, дзе гучаць гэтыя словы. Тады можна ўбачыць, што ў канцы Лукашэнка гаворыць «І правільна зрабілі. Каб вы гэтага не зрабілі, на нас бы напалі». «Такім чынам, ён падыгрываў», — лічыць палітык.

Калі вядоўца нагадаў словы Лукашэнкі ў інтэрвʼю Салаўёву за некалькі дзён да пачатку вайны: «З кім там ваяваць. На чатыры дні. Там ваяваць няма з кім», то Шаўчэнка адказаў:

«Давайце будзем шчырымі. У нас шмат хто ва Украіне з комплексам заніжанай самаацэнкі лічыў, што наша армія слабая. А я заўсёды казаў, што ўкраінцы заўсёды, нават у савецкі час, былі найлепшымі вайскоўцамі. Гэта прыроднае. Я заўсёды казаў, што Беларусь не пра вайну.

А ўкраінцы — народ, які ўмее ваяваць. І сваёй гісторыяй ён гэта пацвердзіў. Гэта ваяўнічы народ, і з ім ваяваць няварта. Гэта была памылка расіян. На жаль, палітычнае кіраўніцтва Крамля і цяпер гэтага не зразумела. Яны не разумеюць, што ваююць не з Зяленскім ці з Буданавым. Яны ваююць з украінскім народам. А народ перамагчы немагчыма».

Раней кіраўнік украінскай вайсковай выведкі Кірыла Буданаў заявіў, што яны выкарыстоўвалі Яўгена Шаўчэнку для камунікацыі з Аляксандрам Лукашэнкам.

Чытайце яшчэ:

«Ён нам ніколі не адмаўляў». Кіраўнік украінскай разведкі прызнаўся, што Украіна працавала з Лукашэнкам праз дэпутата Шаўчэнку

Ва ўкраінскай Вярхоўнай Радзе захэйцілі дэпутата-лукашыста, які прыйшоў на пасяджэнне ў вайсковай форме

Памятаеце дэпутата Рады Яўгена Шаўчэнку, які ездзіў некалькі разоў да Лукашэнкі? Яго затрымалі

Каментары25

  • Кола замкнулася
    27.05.2023
    «На каго дакладна, я не буду цяпер называць. Але гэта багаты чалавек». У Беларусі толькі адзін алігарх і гэта Лукашэнка.
  • Касандра-Масандра
    27.05.2023
    > багаты чалавек, бізнэсмен.


    Алексін? можа быць. гэтая пракладка вельмі блізкая да 'сям'і', кантралюе многа іхных фінансавых плыняў. праз свае бізнэсы і захапленне байкінгам ён блізкі і да пуцінскіх колаў - ад 'начных ваўкоў' да вайскоўцаў.
  • уу
    27.05.2023
    Кола замкнулася, он про Мазепина скорее всего. 

    Народ, вы же понимаете, что он это все говорит не для нас, а для Луки? И что к словам таких товарисчей надо относиться очень осторожно, так как к реальности они могут иметь отношение, могут не иметь - они не для информирования, а для того, чтобы вызвать какие-то мысли или действия.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей19

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Усе навіны →
Усе навіны

Беларуска атрымала дазвол на пражыванне ў Польшчы пасля першапачатковай адмовы

8000 еўра Сяргею Ціханоўскаму сабралі за палову дня13

Хлопца з Рагачова прызналі неадэкватным і вызвалілі ад пакарання, але ўсё роўна ўнеслі ў спіс «экстрэмістаў». Як так?1

Кубракоў, вярнуўшыся з селектарнай нарады ў Лукашэнкі, зразу ж склікаў сваю — па той жа схеме17

Жыхары шматпавярховіка ў цэнтры Мінска страцілі сон праз спеў паўлінаў3

У Мінску дэмантавалі памятныя знакі ў гонар міліцыі. Яны не прастаялі і двух гадоў ФОТАФАКТ6

У Еўропе нараджальнасць на гістарычна найніжэйшым узроўні. І нават прасямейная палітыка не дапамагае5

Беларусам з 11-месячным дзіцём не далі паляцець на Кіпр па польскім праязным дакуменце. Дачапіліся да дзіцяці12

На матчы беларускіх футбалістаў у Грузіі заўзятараў прымушалі прыбіраць БЧБ-сцягі3

больш чытаных навін
больш лайканых навін

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей19

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Галоўнае
Усе навіны →

Заўвага:

 

 

 

 

Закрыць Паведаміць