Патрыярх РПЦ Кірыл адхіліў ад пасады і забараніў у святарстве протаіерэю Леаніду Калініну.
Прычына — «у сувязі з пярэчаннямі прынясенню ў кафедральны саборны Храм Хрыста Збаўцы Масквы іконы «Святая Тройца» прападобнага Андрэя Рублёва».
Адна з пасад, якую ён займаў, — старшыня экспертнай рады РПЦ па царкоўным мастацтве і рэстаўрацыі, паведамляе РБК.
Скандал з іконай Андрэя Рублёва выбухнуў на мінулым тыдні, калі стала вядома, што Пуцін вырашыў перадаць знакамітую ікону з Траццякоўскай галерэі РПЦ.
«Абраз «Святая Тройца» Андрэя Рублёва не падлягае выдачы за межы Траццякоўскай галерэі на свята Сёмухі 4 чэрвеня гэтага года з-за складанага і нестабільнага стану, а таксама непрадказальнасці працэсу негатыўных змен. Цяпер абраз знаходзіцца ў рэстаўрацыйнай майстэрні ў працэсе неадкладнай рэстаўрацыі помніка», — заявілі эксперты.
«Умовы захоўвання павінны быць забяспечаны ў любым месцы —хоць у Траццякоўскай галерэі, хоць у Траецкім саборы лаўры, і тут не месца важна, а якасць той капсулы, у якую абраз будзе змешчаны», — даводзіў тады кіраўнік экспертнай рады Маскоўскага патрыярхата па царкоўным мастацтве, архітэктуры і рэстаўрацыі протаіерэй Леанід Калінін.
Цяпер чытаюць
Лукашэнка загадаў прышчапляць нелюбоў да Польшчы пачынаючы са школы85
Лукашэнка загадаў прышчапляць нелюбоў да Польшчы пачынаючы са школы
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары