Музыкі павінны былі сыграць канцэрт 18 чэрвеня ў Палацы спорту. Пра гэта паведамілі арганізатары мерапрыемства Vi project kg у інстаграме.
У допісе пра адмену канцэрта арганізатары напісалі, што мерапрыемства адмянілі па незразумелых для іх прычынах і паабяцалі вярнуць прыхільнікам гурта грошы за квіткі, паведамляе kloop.kg.
«Таксама наша кампанія не будзе супрацоўнічаць з Vi project kz надалей, так як умовы іх супрацоўніцтва супярэчаць заканадаўству Кыргызскай Рэспублікі. Яшчэ раз прыносім свае прабачэнні, бо з нашага боку была праведзена вялікая праца», — напісалі арганізатары канцэрта.
Учора гурт «Бі-2» выступіў з канцэртам у Карагандзе. Сёння запланаваны канцэрт у Алматы.
«Бі-2» — беларускі і расійскі рок-гурт, які пакінуў Расію пасля поўнамаштабнага ўварвання Расіі ва Украіну ў лютым 2022 года. Расію група пакінула пасля таго, як выпусціла антываенны кліп на песню «Калыханка».
Саліст гурта Лёва (беларус Ягор Бортнік) у маі 2023 года напісаў у інстаграме, што не вернецца ў Расію. «Пуцінская Расія выклікае толькі агіду і гідлівасць», — напісаў ён.
У канцы мая Ягора Бортніка прызналі ў Расіі замежным агентам.
Цяпер чытаюць
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 20263
Каментары
Савок галаўнога мозгу. Можа і беларусаў ленін прыдумаў, а дагэтуль іх не было? Таму ўсе тут не беларусы, а сапсаваныя палякамі рускія. Чаго пд свайго караня адрывацца, так? В лоно матушкі россіі? Таварыш мёр працуе на каго?
Для народаў, якія знаходзяцца ў такім становішчы, як мы, гэта цалкам нармальна - дыстанцыявацца ад тых выхадцаў з краіны, якія працуюць на знішчэнне нацыянальнай ідэнтычнасці, адметнасці і распушчэнне нашага народу ў суседнім агрэсіўным народзе-асімілятары. Ва Украіне таксама зараз ніхто не лічыць тую ж Павалій украінскай спявачкай, хаця і памятаюць, што яна на расію з Украіны прыехала калісьці.