Дзяржсакратар ЗША павіншаваў беларусаў: Ваша мужнасць і стойкасць натхнілі ўвесь свет
Дзяржсакратар ЗША Энтані Блінкен павіншаваў беларусаў з Днём Незалежнасці.
«З нагоды афіцыйнага Дня Незалежнасці Беларусі народ Злучаных Штатаў Амерыкі шле свае самыя цёплыя пажаданні народу Беларусі, — сказана ў звароце. —
Ваша мужнасць, стойкасць і настойлівасць у пабудове дэмакратычнай, суверэннай і стабільнай будучыні для Беларусі натхнілі ўвесь свет. З-за турэмных сцен, у гарадах, у якіх вы апынуліся ў выгнанні, і ў сваіх дамах у Беларусі вы працягваеце выступаць за сапраўды незалежную і дэмакратычную будучыню вашай краіны, дзе вы зможаце жыць без рэпрэсій і вызначаць курс развіцця вашай уласнай будучыні.
Злучаныя Штаты высока ацэньваюць і падтрымліваюць вашы нястомныя намаганні па абароне ўнікальнай мовы, культуры і самабытнасці Беларусі. Мы захапляемся вашай настойлівасцю ў абароне правоў чалавека і асноўных свабод. Мы заклікаем да безумоўнага вызвалення ўсіх з больш чым 1500 беларускіх палітвязняў і спынення рэпрэсій у Беларусі, якія працягваюцца».
«Злучаныя Штаты выступаюць за дэмакратычную, незалежную і суверэнную Беларусь ужо больш за 30 гадоў. Гэтая прыхільнасць застаецца непахіснай», — такімі словамі заканчваецца віншаванне.
-
Дзмітрый «Шэры кот» Казлоў — пра тое, як стаў палітычным блогерам і за гэта аказаўся за кратамі. А цяпер будуе новае жыццё ў выгнанні
-
З пачатку года колькасць беларусаў у Літве з дазволам на пражыванне зменшылася на 10%
-
Жыхары вёскі пад Баранавічамі папрасілі ў чыноўнікаў заасфальтаваць дарогу. Тыя геніяльна вырашылі праблему
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары