Ірландскі лаўкостар Ryanair разглядае магчымасць аднаўлення невялікай колькасці рэйсаў ва Украіну да канца 2023 года пры ўмове паспяховых перамоў па частковым адкрыцці паветранай прасторы. Пра гэта паведаміў выканаўчы дырэктар авіякампаніі Майкл О'Ліры ў інтэрв'ю «Інтэрфакс-Украіна».
Па словах О'Ліры, цяпер разглядаецца два планы: першы — гэта заканчэнне вайны і адкрыццё паветранай прасторы за адзін ці два дні, другі, згодна з якім авіякампанія можа запланаваць невялікую колькасць рэйсаў ужо ў канцы гэтага года.
Акрамя таго, О'Ліры прывёў прыклад Ізраіля, дзе, нягледзячы на перыядычныя ракетныя абстрэлы, працягвае працаваць авіяцыя.
«Самалёты прызямляюцца кожны дзень у Тэль-Авіве, які знаходзіцца ўсяго за 10 хвілін язды ад Заходняга берага, адкуль запускаюцца ракеты», — сказаў О'Ліры.
«Я думаю, мы павінны быць аптымістамі. Цяпер Міністэрства аднаўлення працуе над тым, каб у канцы гэтага года аднавіць некаторыя рэйсы ў Кіеў і Львоў. І калі яны змогуць даказаць, што гэта бяспечна, мы будзем выконваць гэтыя рэйсы», — сказаў старшыня Ryanair.
У той жа час О'Ліры падкрэсліў, што калі Украіне не ўдасца пераканаць Еўрапейскае агенцтва авіяцыйнай бяспекі і страхавыя кампаніі адносна бяспекі выканання абмежаванай колькасці рэйсаў у Кіеў і Львоў, то аднавіць палёты кампанія не зможа.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах11
Каментары
а вы хоть раз видели т
гхм...резвого летчика ?