Міністр абароны Літвы: Мы не збіраемся дрыжэць перад вагнераўцамі ў Беларусі
Міністр абароны Літвы Арвідас Анушаўскас заявіў, што прысутнасць расійскіх наймітаў ПВК «Вагнер» у Беларусі істотна не мяняе сітуацыю ў вобласці бяспекі для яго краіны.
Па словах Анушаўскаса, сітуацыя з бяспекай у рэгіёне істотна змянілася, калі РФ пачала поўнамаштабную вайну супраць Украіны, як піша Deutsche Welle.
Паводле падлікаў Мінабароны Літвы, цяпер на тэрыторыі Беларусі знаходзіцца прыкладна 2—3 тысячы вагнераўцаў (паводле звестак Дзяржпамежслужбы Украіны — крыху больш за пяць тысяч).
«Мы не збіраемся ўздрыгваць праз тое, што ў Беларусі з'явіліся нейкія расійскія найміты. Істотна гэта сітуацыю ў вобласці бяспекі для нас не мяняе…тое, што з'явіліся найміты, якіх мы абагульняем назвай вагнераўцы… Ведаеце, Літва, як і іншыя чальцы НАТА, мае і вайскоўцоў, і іншыя магчымасці гарантаваць сваю бяспеку, нават без дапамогі сваіх саюзнікаў.
Гэта істотна нічога не мяняе. Ва Узброеных сілах Беларусі 40 тысяч чалавек. Вось гэта істотна можа змяніць сітуацыю. Напрыклад, калі Беларусь дашле свае Узброеныя сілы да нашых межаў, тады будзе рэакцыя НАТА. Але, як я і казаў, уздрыгваць з-за гэтых вагнераўцаў мы не збіраемся», — сказаў Анушаўскас.
Цяпер чытаюць
Крык душы Бяспалава пра Ціханоўскага: Ён ператвараецца ў Лукашэнку 2.0, гэта траянскі конь53
Каментары
Напачатку гэтыя словы прамовіў міністар абароны РФ. Потым міністар абароны Летувы. Нейкі цырк! 🪅