У Літве абвясцілі, хто падзеліць мільён еўра за ідэі па збіванні паветраных шароў з Беларусі
Міністэрства эканомікі і інавацый Літвы абвясціла, якія кампаніі падзеляць прызавы фонд у 1 млн еўра за распрацоўку найлепшых сістэм барацьбы з кантрабанднымі паветранымі шарамі, якія запускаюць з Беларусі. Сярод прапанаваных рашэнняў — выкарыстанне лазераў, дронаў і дырыжабляў, піша LRT.
Абралі тры праекты
Міністэрства абвясціла конкурс 27 кастрычніка. У панядзелак міністр эканомікі і інавацый Эдвінас Грыкшас паведаміў, што ў конкурсе ўдзельнічалі 35 кампаній, з якіх выбралі трох пераможцаў: «IT logika», «Teltonika EMS» і «Dangaus šviesos».
На першым этапе адабраныя кампаніі атрымаюць па 100 тысяч еўра.
На другім этапе будзе абвешчаны дадатковы конкурс для далейшага развіцця ідэй.
«Спадзяёмся, што ўжо ў лютым мы будзем мець дзеючы прататып», — сказаў Грыкшас.
У выніку тэставанняў дзяржава абярэ і закупіць адно найлепшае рашэнне для інтэграцыі ў агульную сістэму.
Якія рашэнні прапануюць выбраныя кампаніі
«IT logika» прапануе інтэлектуальную сістэму абароны паветранай прасторы, аснову якой складуць дроны і лазерна-аптычныя сэнсары. Магутны лазер дазволіць бяспечна збіваць некалькі шароў за адзін вылет. Прагназаванне траекторый будзе ажыццяўляцца з дапамогай алгарытмаў штучнага інтэлекту.
«Teltonika EMS» прапануе аўтаномную сістэму маніторынгу і абароны мяжы. Яна будзе кругласутачна выяўляць і ідэнтыфікаваць паветраныя пагрозы — шары, дроны. Сістэма прадугледжвае выкарыстанне дронаў-перахопнікаў для знішчэння цэляў.
«Dangaus šviesos» прапануе сістэму перахопу паветраных шароў на базе дырыжабляў (DOBIS). Сістэма інтэгруе розныя тэхналогіі, каб бяспечна прызямліць нелегальныя шары. Прадстаўнік кансорцыума адзначыў, што падобныя рашэнні ўжо распрацоўваюць Ваенна-марскія сілы ЗША.
Цяпер чытаюць
Крык душы Бяспалава пра Ціханоўскага: Ён ператвараецца ў Лукашэнку 2.0, гэта траянскі конь36
Каментары
С помощью контрабанды лукашенко, Литва, обзаведётся передовыми технологиями охраны воздушного пространства.
А Беларусь будет сама выкуривать сигареты лукашенко....