Лукашысты прыгразілі зрабіць захады ў адказ на новыя заходнія санкцыі
МЗС Беларусі выступіў з заявай у сувязі з увядзеннем Еўрасаюзам 3 жніўня новых санкцыйных абмежаванняў у дачыненні да рэжыму Лукашэнкі.
У заяве выказваецца «расчараванне» рашэннем Еўрапейскага саюза ад 3 жніўня 2023 года ўвесці новыя санкцыі супраць лукашэнкаўскага рэжыму. Санкцыі названыя працягам «недружалюбнай палітыкі ЕС у адносінах да нашай краіны, чарговай спробай непрыкрытага ўмяшання ва ўнутраныя справы суверэннай дзяржавы».
«Такія дзеянні Бруселя разбураюць шляхі вяртання да прымальнага ўзроўню беларуска-еўрапейскіх адносін. Яшчэ раз падкрэсліваем, што аднабаковыя прымусовыя меры непасрэдна парушаюць міжнароднае права, бо толькі Рада Бяспекі ААН упаўнаважаная на прыняцце падобных рашэнняў».
«Беларускі бок пакідае за сабой права рабіць захады ў адказ», — заявілі ў МЗС Беларусі.
Цяпер чытаюць
Бедны, расчараваны — асабліва ў родных — і нікому непатрэбны. Злы дзённік Барадуліна дазваляе зазірнуць унутр генія17
Каментары