Федэральная служба бяспекі затрымала ў Маскве грамадзяніна Беларусі Анатоля Грыгарчука за, як сцвярджаецца, спробу кантрабанды выбуховых рэчываў і агнястрэльнай зброі.
Як піша ТАСС на падставе інфармацыі з ФСБ, мужчыну ставіцца ў віну ўчыненне злачынства групай асоб паводле папярэдняй змовы.
«Падчас аператыўна-вышуковых мерапрыемстваў у сталічным рэгіёне быў затрыманы грамадзянін Беларусі Анатоль Міхайлавіч Грыгарчук. Яму інкрымінуецца здзяйсненне злачынства, прадугледжанага ч. 1 арт. 30 п. у ч. 2 арт. 226.1 КК РФ (замах на незаконнае перамяшчэнне праз мяжу моцнадзейных, атрутных, выбуховых, радыеактыўных рэчываў або боепрыпасаў групай асоб па папярэдняй змове). Па рашэнні аднаго з судоў у Маскве ён адпраўлены ў СІЗА», — расказалі ТАСС у ФСБ.
Адзначаецца, што беларус працаваў у Маскоўскім рэгіёне кіроўцам.
Санкцыя артыкула, які яму інкрымінуецца, прадугледжвае пакаранне да 10 гадоў пазбаўлення волі.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары
Ф-фуфлыжники С-с..и,Б-б..ди. фсб