Вайна22

УСУ афіцыйна пацвердзілі вызваленне Кляшчэеўкі

Украінскія войскі вызвалілі населены пункт Кляшчэеўка на Бахмуцкім кірунку ў Данецкай вобласці. Пра гэта паведаміў кіраўнік прэс-службы Усходняй групоўкі войскаў капітан Ілья Яўлаш, піша «Украінская праўда».

Вызваленая Кляшчэеўка. Скрыншот відэа з фэйсбук-старонкі брыгады «Лють»

«Магу пацвердзіць, што гэта адбылося дзякуючы намаганням 80-й асобнай дэсантна-штурмавой брыгады, 5-й асобнай штурмавой брыгады і аб'яднанай брыгады Нацпаліцыі «Лють», — паведаміў Ілья Яўлаш.

Цяпер, па словах Еўлаша, у дэакупаваным населеным пункце прадаўжаюцца стабілізацыйныя мерапрыемствы, сілы абароны замацоўваюцца на пазіцыях.

Разам з тым аб'яднаная штурмавая брыгада Нацпаліцыі «Лють» апублікавала відэа з Кляшчэеўкі і таксама пацвердзіла вызваленне населенага пункта:

«Мы, вайскоўцы 80-й асобнай дэсантна-штурмавой брыгады, 5-й асобнай штурмавой брыгады, асобнай аб'яднанай штурмавой брыгады паліцыі «Лють», выканалі заданне — вызвалілі населены пункт Кляшчэеўка Данецкай вобласці ад акупантаў. Аднак вораг не пакідае спроб захапіць яго зноў».

Раней у нядзелю кіраўнік Офіса прэзідэнта Украіны Андрэй Ярмак апублікаваў фота з вайскоўцамі ў Кляшчэеўцы на фоне мясцовага храма, адзначыўшы, што Украіна заўсёды вяртае свае тэрыторыі. Аднак у брыгадзе «Лють» тады заявілі, што ў Кляшчэеўцы вядуцца актыўныя штурмавыя дзеянні, і пацвердзіць стапрацэнтны кантроль над населеным пунктам яны не могуць.

Каментары2

  • Андрусь
    17.09.2023
    З Кляшчэеўкі ж колькі дзён таму апублікаваў відэа Полк Кастуся Каліноўскага, з каментаром, што нашы хлопцы ўвайшлі ў Кляшчэеўку, якую пакінулі расійцы.На відэа жаўнеры спакойна ідуць вуліцай практычна цалкам зруйнаванай рёскі. Пазней ПКК паведаміў, што паспяшаўся з заявай аб вызваленні Кляшчэеўкі і за яе яшчэ вядуцца цяжкія баі. 
    І вось - у беларускім СМІ паведамленне пра тое, што Кляшчэеўка, усё ж, вызваленая. Але з гэтай навіны на НН ў кантэксце ранейшых атрымліваецца, што каліноўцы хацелі прымазацца да чужоў перамогі: аказваецца, Кляшчэеўку вызвалі 80-я і 5-я брыгады УСУ і брыгада паліцыі "Лють", а ніякім Палком Кастуся Каліноўскага там нават не пахла. 
    Дык усё ж, удзельнічала беларускае падраздзяленне ў вызваленні гэтага населенага пункта, ці "хтота ўрот"? 
  • Сатурн
    18.09.2023
    Молодцы украинцы и успехов им в дальнейшем!)))
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад7

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад

Усе навіны →
Усе навіны

Аляксандр і Коля Лукашэнкі прыбылі на Парад Перамогі на Красную плошчу ў Маскве6

Зянковіч: Безумоўна, я б не паехаў у Маскву пад гарантыі Вольгі Карач21

Затрымалі брата Ігара Лосіка5

Загадка вадалаза, якога знайшлі без галавы і рук: шпіёнская гісторыя часоў Халоднай вайны

«Яшчэ і крэдытны рэйтынг пацярпіць». Банкамат забраў грошы, але на рахунак яны не паступілі3

У фінале футбольнага еўракубка згуляюць каманды, якія займаюць 15-е і 16-я месцы ў сваім чэмпіянаце

«Стаўленне як да скаціны». Прарасійскі блогер расказаў пра 25 сутак ў ІЧУ12

Джэй Дзі Вэнс: Расія на перамовах па Украіне просіць больш за разумнае. Яна не атрымае тэрыторыі, якія нават не захапіла3

Ціханоўская: Вайна ніколі не павінна быць сродкам вырашэння праблем8

больш чытаных навін
больш лайканых навін

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад7

«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад

Галоўнае
Усе навіны →

Заўвага:

 

 

 

 

Закрыць Паведаміць