У ЗША кіроўца загінуў, бо сэрвіс Google Maps павёў яго цераз мост, які абрынуўся амаль 10 гадоў таму
Прадстаўнікі Google выказалі спачуванне сям'і загінулага і адзначылі, што спрабуюць своечасова абнаўляць інфармацыю ў «Картах», ствараючы бяспечныя для кіроўцаў маршруты.
Інцыдэнт адбыўся восенню 2022 года ў Паўночнай Караліне, ЗША. Мужчына вяртаўся дамоў, калі ўжо было цёмна. Ëн ехаў па маршруце, які яму прапанавалі карты Google. На жаль, маршрут праходзіў цераз разбураны мост, і кіроўца ўпаў у раку з вышыні шасці метраў, у выніку чаго загінуў. Паліцыя, якая прыбыла на месца здарэння, устанавіла, што каля моста не было агароджы і дарожных знакаў, якія б папярэджвалі пра абвал канструкцыі.
Удава загінулага падала пазоў на кампанію Google і заявіла, што прычынай смерці яе мужа стала нясвоечасовае абнаўленне карты. У пазове таксама адзначаецца, што мясцовыя жыхары неаднаразова звярталіся ў Google з просьбай абнавіць карты пасля абвальвання моста. Аднак рэакцыі ад кампаніі не было.
Google адсочвае месцазнаходжанне ўсіх карыстальнікаў, нават калі яны самі адключылі гэтую функцыю
Што палягчае жыццё турысту? Топ-10 мабільных праграм і сэрвісаў для паходаў і падарожжаў
«Нават Прыпяць моцна змяніла сваё рэчышча». Беларус з дапамогай ChatGPT стварыў унікальны сайт, дзе старадаўнія карты Беларусі можна параўнаць з сучаснымі
Каментары