Ад палітычных кантактаў у Афрыцы пакуль няма толку для эканомікі — Галоўчанка
На нарадзе, прысвечанай развіццю гандлю з афрыканскімі краінамі, прэм'ер-міністр Раман Галоўчанка звярнуў увагу на шэраг праблем, якія назіраюцца ў гэтай сферы, прычым адны з асноўных — зніжэнне беларускага экспарту ў рэгіён і адсутнасць новых выгадных праектаў.
Як заявіў Галоўчанка, добрыя адносіны з кіраўніцтвам некаторых краін кантынента, а таксама палітычныя кантакты на найвышэйшым узроўні пакуль не далі канкрэтных вынікаў у выглядзе новых і паспяховых гандлёва-эканамічных праектаў.
Больш за тое — кіраўнік урада паведаміў нават пра негатыўны трэнд у гандлі Беларусі з афрыканскімі краінамі:
экспарт айчынных тавараў у гэтым кірунку ў 2022 годзе склаў усяго толькі крыху больш за 200 млн даляраў, прычым цяпер дэманструе некаторую тэндэнцыю да зніжэння, што, паводле яго слоў, «асабліва трывожна».
Самым высокім гэты паказчык быў у 2019 годзе — 400 млн даляраў.
Раман Галоўчанка адзначыў, што хоць экспарт беларускіх паслуг у краіны Афрыкі сёлета вырас больш чым удвая, ён усё яшчэ застаецца нязначным — усяго каля 20 млн даляраў.
«Неабходна прыкласці ўсе намаганні, знайсці патрэбныя інструменты і формулу для пералому негатыўнай дынамікі ў супрацоўніцтве з краінамі Афрыкі. Усе размовы пра санкцыі, складанасці разлікаў пакіньце пры сабе — можаце сёння нават не агучваць», — заявіў прэм'ер.
Пры гэтым Раман Галоўчанка выказаў папрок у бок беларускага Міністэрства замежных спраў, бо ведамства, маўляў, для нарады падрыхтавала матэрыялы, у якіх адсутнічалі канкрэтныя прапановы па пашырэнні супрацоўніцтва з краінамі Афрыкі.
Раней віцэ-прэм'ер Пятро Пархомчык казаў, што за апошнія 5 гадоў экспарт беларускай прадукцыі ў Зімбабвэ вырас у 8 разоў. Паводле яго слоў, у канцы гэтага года пачнецца выкананне заключаных раней кантрактаў на маштабныя пастаўкі ў краіну беларускай сельгастэхнікі: абавязацельствы павінны выканаць за 2023-2025 гады.
«З аэрапорта прыйшлося выбірацца на лодцы». Беларуска правяла некалькі месяцаў у Сьера-Леонэ і расказвае, што там і як
«Культура Беларусі вельмі падобная да традыцый роднай Афрыкі». Іншаземны танцор, які жыве ў Мінску, расказаў, за што любіць Беларусь
Пасля смерці Прыгожына Зінгман спрабуе перахапіць ахоўныя кантракты «Вагнера» — крыніцы
Мінск наведаюць прадстаўнікі 14 афрыканскіх дзяржаў
Цяпер чытаюць
Шрайбман з калегамі прапанавалі пакрокавы план дээскалацыі адносін Беларусі і ЕС51
Каментары