Эканоміка1616

Хочуць павысіць падатак на першую кватэру і аўтамабілі, павялічыць нагрузку на ІП. Якія змены рыхтуюць у Падатковы кодэкс

Паглядзелі, якія змены ў падаткаабкладанні могуць чакаць нас з 1 студзеня 2024 года. Праект зменаў у Падатковы кодэкс апублікавалі на Нацыянальным прававым партале.

Фота: Contributor Getty Images

Падатак за першую кватэру

З наступнага года ўлады плануюць павысіць памер разліковага кошту аднаго квадратнага метра тыпавога капітальнага будынка — гэта ў сваю чаргу прывядзе да росту падатковых ставак за першую кватэру. 

Памер падатку складае 0,1% ад кошту аднаго квадратнага метра. 

Для Мінска разліковы кошт будзе складаць 968 рублёў замест 900 цяперашніх.

Вынікае, што замест 45 рублёў за сталічную двухпакаёўку плошчай 50 «квадратаў» давядзецца заплаціць 48,4 рубля.

За кватэру такой жа плошчы ў абласных цэнтрах і Мінскім раёне падатак мусіць вырасці з 37 рублёў 50 капеек да 40 рублёў 30 капеек.

Падатак за першую кватэру ў Беларусі пачалі спаганяць з 2022 года.

Падатак за дарогі

Законапраект таксама прадугледжвае новыя стаўкі транспартнага падатку. 

Яго памер залежыць ад вагі аўтамабіля і формы ўласнасці. Для фізічных асоб за легкавы аўтамабіль прырост падатку можа скласці ад 5 да 17 рублёў. 

Напрыклад, за аўтамабіль вагой не больш за 1,5 тоны з наступнага года давядзецца заплаціць 66 рублёў замест 61 цяпер. За аўтамабіль вагой ад 1,75 тоны да 2 тон — 110 рублёў замест 102 цяпер, а калі агульная дапусцімая вага аўтамабіля большая за 3 тоны, то падатак налета вырасце з 223 да 240 рублёў.

Стаўкі за грузавыя аўто, якія ва ўласнасці фізічных асоб, вырастуць на 12-38 рублёў у залежнасці ад вагі транспартнага сродку. 

За грузавы і грузапасажырскі аўтамабіль з дазволенай максімальнай масай да 2,5 тон падатак будзе складаць 174 рублі, ад 2,5 да 3,5 тон — ужо 371 рубель. 

Транспартны падатак за матацыкл і прычэп агульнай вагой да 750 кілаграм плануюць павялічыць на 3 рублі — да 44 рублёў.

Падаткі для ІП

З наступнага года чарговы раз хочуць павысіць стаўкі адзінага падатку для індывідуальных прадпрымальнікаў.

Так, сталічным прадпрымальнікам, якія аказваюць паслугі рамонту прадметаў асабістага карыстання і бытавых вырабаў, плануюць павялічыць стаўку адзінага падатку з 612 да 658 рублёў. Прадпрымальнікі з абласных цэнтраў і Мінскага раёна пры ўхваленні законапраекта будуць вымушаны плаціць 456 рублёў замест 424.

Адзіны падатак для ІП, якія здаюць жытло ў кароткатэрміновую арэнду, падымуць з 620 да 667 рублёў для Мінска, з 578 да 621 рублёў для ІП з абласных цэнтраў і Мінскага раёна. 

З поўным спісам змен і новымі стаўкамі падаткаў, якія плануюць увесці з наступнага года, можна азнаёміцца па спасылцы. Законапраект яшчэ не разглядаўся Палатай прадстаўнікоў і не зацверджаны.

Чытайце таксама: 

Планавыя праверкі арганізацый. Да каго завітаюць з праверкай ужо ў кастрычніку

Беларускім ІП улады паступова ўскладняюць жыццё. А на якіх умовах працуюць прадпрымальнікі ў Польшчы і Літве?

Каментары16

  • Чаркашкварка
    06.10.2023
    Развязальшчыку вайны з пуцiным дзяржаунаму злачынцу лукашэнку трэба неяк выжываць, кармiць сваiх карацеляй i прапагандонау, таму з народзiка трэба драць шкуру, але чым гэта скончыцца усе бачылi з чаушэску
  • в лесах таких ивуть
    06.10.2023
    Это естественно. Знакомый в милиции, говорит, что идя в отпуск получает отпускные + пособие помощь в размере оклада и премию. То есть несчастный ДПС получает почти 10 тысяч рублей. А чтобы этим заплатить - надо частников душить. Потому что просто бумага - это не деньги.
  • Минус 800 рэ
    06.10.2023
    Квартира+старая машина+налог ИП = 800 рублей в мусорку. Ни за что.

Цяпер чытаюць

Як жыве просты мінскі зваршчык, які выйграў тры мільёны рублёў2

Як жыве просты мінскі зваршчык, які выйграў тры мільёны рублёў

Усе навіны →
Усе навіны

У ЕС пракаментавалі заяву Трампа аб тарыфах 30%6

Прэзідэнт Ірана быў паранены падчас ізраільскіх удараў1

Блогер Сяргей Пятрухін знайшоў новую працу23

СБУ забіла кілераў, якія застрэлілі палкоўніка Службы бяспекі ў Кіеве14

У Мінску пажаніліся 15-гадовая дзяўчына і 16-гадовы хлопец22

Мікалай-Аціла, Брыджыт-Аўрэлія, Іван-Чыемерыэ. Якія імёны для немаўлят былі самымі папулярнымі ў сталіцы, а якія здзівілі3

Рух каля Партызанскага праспекта ў Мінску перакрылі амаль на месяц1

Закладчыца з дзявятага класа: у Оршы затрымалі 16-гадовую дзяўчыну за наркотыкі8

Як у Бабруйску камунальнікі зараблялі на галалёдзе, расказаў Дзяржкантроль1

больш чытаных навін
больш лайканых навін

Як жыве просты мінскі зваршчык, які выйграў тры мільёны рублёў2

Як жыве просты мінскі зваршчык, які выйграў тры мільёны рублёў

Галоўнае
Усе навіны →

Заўвага:

 

 

 

 

Закрыць Паведаміць