Дарадца кіраўніка Офіса прэзідэнта Украіны Міхаіл Падаляк даў у Кіеве інтэрв'ю намесніку галоўнага рэдактара Bild Паўлю Ронцхаймеру. Той спытаў, што ён можа пажадаць Уладзіміру Пуціну, якому сёння спаўняецца 71 год.
«У яго ёсць даўгавыя абавязацельствы ў пекле. Яму самы час адправіцца туды. І адказаць на ўсе пытанні, чаму гэты чалавек, як ён сам сябе лічыць, працягвае знішчаць іншых людзей. Чаму ён свае дзіцячыя комплексы, сваю непаўнавартаснасць рэалізуе масавымі генацыднымі забойствамі ў іншай краіне.
І чаму ён лічыць, што за гэта ніхто не возьме ў яго выніковую плату. У яго няма дня нараджэння. На жаль, як і ў многіх дрэнных гістарычных персанажаў, гэта не дата нараджэння чалавека. Гэта дата з'яўлення выпрабавання чалавецтву, ці можа яно прымаць правільныя пастановы, калі бачыць перад сабой такіх суб'ектаў, як Пуцін. А якое правільнае рашэнне? Даць магчымасць Украіне скончыць час кіравання ўласна Пуціна ў Расейскай Федэрацыі», — адказаў Падаляк.
Каментары