Навучэнца каледжа ў Віцебску затрымалі за разбойны напад на ламбард, паведамілі БЕЛТА ва УУС Віцебскага аблвыканкама.
У міліцыю 7 кастрычніка паступіла паведамленне аб працы трывожнай кнопкі ў адным з ламбардаў Віцебска. Супрацоўнікам аддзела Дэпартамента аховы, якія прыбылі на месца, работнікі ламбарда распавялі, што ў памяшканне падчас закрыцця забег незнаёмы мужчына. Пагражаючы нажом, ён запатрабаваў аддаць грошы і каштоўныя рэчы. Жанчына націснула на трывожную кнопку, і рабаўнік, убачыўшы гэта, паспяшаўся знікнуць.
Праз некалькі гадзін аператыўнікі ўстанавілі асобу нападніка. Ім аказаўся 18-гадовы навучэнец аднаго з каледжаў. Хлопец ужо меў судзімасць за рабаванне і крадзеж.
Малады чалавек растлумачыў, што яму тэрмінова патрэбны былі грошы, ён пакутуе на гульняманію.
Следчыя распачалі крымінальную справу. Маладому чалавеку пагражае да 10 гадоў пазбаўлення волі.
Цяпер чытаюць
Жыгар — Краўцову: Я табе асабіста аплачу квіток да Мінска, там і дамаўляйся з Лукашэнкам!20
Каментары