Нядаўна ў праўладных тэлеграм-каналах з'явіўся «дакумент» аб пераводзе значнай сумы грошай ад польскай будаўнічай кампаніі Цэнтру беларускай салідарнасці ў Варшаве. Ці сапраўды гэта мела месца, разбіраўся Reform.by.
Цэнтр беларускай салідарнасці (ЦБС) у Варшаве — адна з самых вядомых структур у Польшчы, чыя дзейнасць накіраваная на дапамогу беларусам і ўкраінцам, якія былі вымушаныя з'ехаць са сваіх краін.
ЦБС мае партнёраў пачынаючы ад Міністэрства замежных спраў Польшчы і ўладаў Варшавы і заканчваючы шматлікімі арганізацыямі і фондамі з розных краін. Грошы на фінансаванне сваёй дзейнасці Цэнтр атрымлівае праз гранты на асобныя праекты. Таксама любы ахвотны можа падтрымаць яго грашовым пераводам.
Сутнасць справы
30 кастрычніка ў тэлеграм-канале Wywiad Cywilny, які на польскай мове публікуе тэксты пракрамлёўскай накіраванасці, з'явілася копія дакумента (інвойс, ці па-польску «фактура») на аплату кансультацыйных паслуг з боку ЦБС польскай будаўнічай фірме Budimex.
Праз тры дні пост быў «знойдзены» каналам «Жёлтые слівы» і за некалькі гадзін разышоўся па тэлеграм-каналах большасці лукашэнкаўскіх прапагандыстаў. А затым яго перадрукавалі асобныя псеўдаапазіцыйныя каналы, кшталту ОШС.
Што не так з «дакументам»
Як патлумачылі рэдакцыі Reform.by у ЦБС, гэты дакумент ёсць фальшыўкай. Пра гэта сведчаць шэраг недакладнасцяў.
Галоўная з іх — гэта тое, што ЦБС як некамерцыйная арганізацыя не мае права займацца камерцыйнай дзейнасцю, а тым больш налічваць ПДВ.
Акрамя гэтага, дакумент мае шэраг памылак: у адрасе электроннай пошты, рахунку і ў напісанні імені і прозвішча старшыні праўлення («прэзэса») Уладзіміра Кобеца.
Каму гэта патрэбна
У інтэрвʼю Reform.by старшыня праўлення ЦБС Уладзімір Кобец заявіў, што ён асабіста ні з кім з кампаніі Budimex не знаёмы, і ні ён асабіста, ні звязаныя з ім арганізацыі ніколі не атрымлівалі грошай ад гэтай кампаніі.
Кобец заўважыў, што публікацыя дакумента хутчэй разлічана на беларускую аўдыторыю, каб дыскрэдытаваць у яе вачах дэмакратычную апазіцыю і непасрэдна ЦБС, — у спадзяванні на тое, што ніхто не будзе разбірацца ў яго сапраўднасці.
Старшыня праўлення ЦБС лічыць, што карані гэтай атакі трэба шукаць у беларускіх спецслужбах. У самой Польшчы, на яго думку, гэты фэйк не будзе мець працягу.
Чытайце яшчэ:
Дзяржаўныя медыя пачалі разганяць фэйк пра Ціханоўскую, «якая заклікае забіваць палесцінскіх дзяцей»
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары