Мужчына на мяжы спытаў, як задэклараваць валюту, прайшоў для гэтага адзін метр «зялёнага калідора» і атрымаў канфіскацыю 10 тысяч еўра
Здарэнне адбылося на беларуска-літоўскай мяжы ў пачатку кастрычніка. Мужчына заязджаў у Беларусь на ровары. Ён увозіў каля 20 тысяч еўра, а таксама беларускія рублі. Мужчына спрабаваў спытаць у мытніка, як яму задэклараваць грошы. Але ў выніку пазбавіўся іх.
27 кастрычніка 2023 года суддзя Гродзенскага абласнога суда разгледзеў на адкрытым судовым пасяджэнні скаргу мужчыны на пастанову суда Кастрычніцкага раёна г. Гродна ад 6 кастрычніка 2023 года.
Мужчына пісаў у хадайніцтве, што пакаранне не адпавядае парушэнню, што ён не меў намеру хаваць грошы, што пасля праходжання пашпартнага кантролю падышоў да супрацоўніка мытні, каб спытаць, як задэклараваць грашовыя сродкі.
Мужчына ўказаў, што мае на ўтрыманні пяцярых непаўналетніх дзяцей, адно з якіх з інваліднасцю, што грошы ён вёз для будаўніцтва дома, што ён ніколі не прыцягваўся да адказнасці.
Суд пакінуў рашэнне папярэдняй інстанцыі — штраф у памеры 5 базавых велічыняў (185 рублёў), а таксама канфіскацыя каля 10000 еўра.
Цяпер чытаюць
Лукашэнка загадаў прышчапляць нелюбоў да Польшчы пачынаючы са школы85
Лукашэнка загадаў прышчапляць нелюбоў да Польшчы пачынаючы са школы
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары