Грамадства1010

Расійскую журналістку, якая кінула выклік Пуціну, не дапусцілі да збору подпісаў

«Пуцін спалохаўся жанчыны ўвогуле без вядомага імя і гісторыі. Дзіўны баязлівец», — напісаў у сваім тэлеграм-канале Іван Жданаў, дырэктар Фонду барацьбы з карупцыяй.

Кацярына Дунцова, фота «Агенцтва»

ЦВК Расіі не дапусціў журналістку Кацярыну Дунцову да прэзідэнцкіх выбараў у 2024 годзе, адмовіўшы ў рэгістрацыі ініцыятыўнай групы па зборы подпісаў.

«Дунцову не дапусцілі да збору подпісаў. Пуцін спалохаўся жанчыны ўвогуле без вядомага імя і гісторыі. Дзіўны баязлівец», — напісаў у сваім тэлеграм-канале Іван Жданаў, дырэктар Фонду барацьбы з карупцыяй.

Жыхарка Ржэва Кацярына Дунцова заявіла пра сваё вылучэнне ў кандыдаты ў прэзідэнты 16 лістапада.

Яна сказала, што выступае за спыненне баявых дзеянняў, правядзенне дэмакратычных рэформаў і вызваленне палітвязняў.

Праз некалькі дзён Кацярыне патэлефанавалі з пракуратуры і запрасілі абмеркаваць яе публікацыю аб вылучэнні. Пасля паходу да паліцэйскіх палітык паведаміла, што ў яе пыталіся аб вылучэнні і яе стаўленні да баявых дзеянняў ва Украіне.

Вылучэнне Дунцовай падтрымаў праект «Наш штаб», створаны групай супрацоўнікаў праекта «Каўчэг» у кастрычніку для падтрымкі антываенных кандыдатаў у прэзідэнты.

Кацярыне 40 гадоў і ў яе трое дзяцей. Паводле яе біяграфіі УКантакце, яна з 2003 года працуе ў СМІ Ржэва, з 2006 па 2022 гады была галоўным рэдактарам мясцовай тэлестудыі «РіТ». У 2019 годзе абіралася дэпутатам гарадской думы, дзе прапрацавала да 2022-га.

Дакументы на ўдзел у перавыбарчай кампаніі ўжо падалі 16 чалавек.

Пра свой удзел у выбарах заявілі Уладзімір Пуцін, які кіруе Расіяй ужо 23 гады, кіраўнік ЛДПР Леанід Слуцкі, грамадскі дзеяч Анатоль Рабіновіч, а таксама Ігар Гіркін-Стралкоў, які знаходзіцца ў СІЗА.

Прэзідэнцкія выбары ў Расіі пройдуць 15—17 сакавіка 2024 года.

Каментары10

  • Андрусь
    23.12.2023
    І зноў расійцы хочуць скапіпасціць абкатаную на Беларусі гісторыю - вылучыць нікому невядомую жанчынку, якая наробіць шухеру ў грамадстве. Прышпільна было б, калі б потым штабы Гіркіна, Рабіновіча і Жырыка-2.0 аб'ядналіся з гэтай цётачкай і сказалі ўсім, хто супраць пуціна насіць белыя бранзалеты. )) 
  • Да фіялетава...
    23.12.2023
    Трэба агарадзіцца ад гэтага вэрхала. Хай хоць на галаве стаяць, ёстць свая Świente Ziemia і трэба дбаць пра яе. У Антарктыдзе пінгвініху яйкі высіжываць не пускаюць, і што? можа снарадзіць Маклуха-Макея туды покуль зь беларусаў зробяць абслужываючы персанал для Іўлеевай&C% а нашых дзяцей будуць заўлякаць прастытуцыяй займацца на Садовым кальцэ
  • Улад
    23.12.2023
    Цікава, які "аргумент" абрала ЦВК РФ, адмаўляючы ёй у рэгістрацыі? :)))
    А няхай бы яна яшчэ патармосіла нервы гэтай бандзе! Напрыклад, можна аднесці скаргу у Канстытуцыйны суд. 

Цяпер чытаюць

Трамп ухваліў план атакі на Іран, але пакуль устрымліваецца ад загаду2

Трамп ухваліў план атакі на Іран, але пакуль устрымліваецца ад загаду

Усе навіны →
Усе навіны

Распрацоўшчык гульні «Свет танкаў» афіцыйна перайшоў ва ўласнасць расійскай дзяржавы6

Каго больш палонных: украінцаў ці расіян?1

Стала вядома, з кім згуляюць беларускія клубы ў другім раўндзе Лігі канферэнцый1

Саміт G7 скончыўся без заявы пра Украіну. Зяленскі і Трамп пакінулі яго датэрмінова4

Таямнічы фонд Лукашэнкі стварыў структуру ў Расіі4

«Месяц без працы — даражэй». Ці можна заплаціць $5 тысяч і атрымаць офер?1

«Лічу, што заслужыў права выказацца». Адстаўны падпалкоўнік беларускай міліцыі вярнуў медаль і пайшоў ваяваць за Украіну10

У ЗША дактары адключылі ад апарата 31-гадовую амерыканку — яна нарадзіла ў коме3

Ад іранскага ракетнага ўдару ў Ізраілі загінула сям'я з Украіны, якая прыехала лячыць сямігадовую дачку ад лейкеміі2

больш чытаных навін
больш лайканых навін

Трамп ухваліў план атакі на Іран, але пакуль устрымліваецца ад загаду2

Трамп ухваліў план атакі на Іран, але пакуль устрымліваецца ад загаду

Галоўнае
Усе навіны →

Заўвага:

 

 

 

 

Закрыць Паведаміць