«Калі гэта трэба Украіне, Эстонія можа заняцца пошукам гэтага чалавека і выдачай яго Украіне», — заявіў міністр унутраных спраў Лаўры Ляэнеметс.
Міністэрства абароны Украіны паведаміла пра план прызываць на вайсковую службу мужчын-украінцаў, якія знаходзяцца за мяжой. Эстонія ж неаднаразова хацела ўкласці з Украінай пагадненне аб выдачы ўцекачоў сярод мужчын мабілізацыйнага ўзросту.
«Калі гэта трэба Украіне, Эстонія можа заняцца пошукам гэтага чалавека і выдачай яго Украіне. У цэлым мы ведаем, дзе гэтыя людзі знаходзяцца, чым яны займаюцца. Большасць ходзіць на працу, мае месца жыхарства ў Эстоніі», — перадае RusERR словы міністра ўнутраных спраў Лаўры Ляэнеметса.
Хоць афіцыйнага запыту ад Украіны не паступала, МУС неаднаразова звярталася як да ўкраінскага пасла, так і да міністра ўнутраных спраў Украіны з просьбай у выпадку неабходнасці паведаміць пра ўцекачоў, якія знаходзяцца ў краіне.
У наступныя дні Ляэнеметс таксама ўнясе пісьмовую прапанову аб укладанні пагаднення паміж дзвюма краінамі.
Каментары
Ці гэта аматары Расеі разбегліся з Украіны хто куды, абы не абараняць сваю радзіму?