Прапагандыст Андрэй Мукавозчык перакруціў словы Максіма Багдановіча.
У сваёй калонцы ў «СБ» Мукавозчык піша пра рэпрэсіі і называе прысуды па палітычна матываваных справах не такімі і строгімі.
«Мы яшчэ гуманныя і міласэрныя. Нават, перш чым асуджаць за тыя ж данаты, не менш за год распавядалі, што гэта злачынства, што кара за яго будзе, што ўсіх знойдзем».
А пасля нечакана пераключаецца на класіка літаратуры, дзіўна тлумачачы яго словы.
«Старадаўняй Літоўскай Пагоні, — пісаў Багдановіч, не ведаючы яшчэ ні пра ВЧК-КДБ, ні пра ГУБАЗіК, ні нават пра ДВП [Дэпартамент выканання пакаранняў] МУС РБ, але па-прароцку прадбачачы іх з'яўленне і будуючы паэтычную трыяду, — не разбіць, не спыніць, не стрымаць!»
«Біце ў сэрцы іх — біце мячамі. Не давайце чужынцамі быць!» — заклікаў паэт сто гадоў таму. Ну, вось мы і б'ем», — прыдумаў Мукавозчык, што змагацца з дэмакратычным рухам ім нібыта завяшчаў сам Багдановіч.
«А Пагоню пара ў іх забіраць. Яна таксама павінна быць наша», — заключыў ён.
Чытайце таксама:
Мукавозчык узначаліў секцыю публіцыстыкі Саюза пісьменнікаў
Галоўрэд СБ: Калі вы пачулі словы «правы чалавека», ведайце, гэты чалавек — вораг нашай краіны
У прапагандыста Мукавозчыка спыталі, чаму ягоная дачка працуе ў ЗША
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1212
Каментары