Аўто66

«Падлічыў і ашалеў»: мінчанін распавёў, колькі патраціў за 4 гады на каршэрынг. Ці атрымалася зэканоміць?

Блогер пад нікам lipa_stickiton вырашыў распавесці ў тыктоку, колькі грошай патраціў на каршэрынг у Мінску за чатыры гады — улічваючы той факт, што хлопец карыстаецца ім рэгулярна.

— Я падлічыў, колькі грошай выдаткаваў на каршэрынг, і ашалеў. Актыўна карыстаюся каршэрынгам дзесьці чатыры гады: з дому на працу, з працы дадому, ну і плюс яшчэ нейкія паездкі. У адным мабільным дадатку напісана, колькі ты праездзіў, а ў іншым я ўдакладніў у службе падтрымкі.

@lipa_stickiton Выгодно или не выгодно? #водитель #беларусь #минск ♬ оригинальный звук - BEST STICKER

Высветлілася, што хлопец карыстаўся арэнднымі аўто ажно 48 тысяч хвілін. Ён распавёў, як змяніўся кошт за гэты час: ад 29 да 45 капеек за хвіліну. Блогер падлічыў, што заплаціў за паслугу каля 15 тысяч рублёў.

— Калі падзяліць на 48 месяцаў, то атрымаецца, што штомесяц я траціў на каршэрынг 312 рублёў. Многа гэта ці мала, я не ведаю. Мне здаецца, плацеж па крэдыце за новую машыну быў бы нашмат большы.

Менш чым за суткі відэа набрала каля 212 тысяч праглядаў. Большасць каментатараў пагадзілася з тым, што выкарыстоўваць каршэрынг больш выгадна, чым мець свой уласны аўтамабіль: «Масла, фільтра, падвеска, страхоўка, бензін — падобна, ты ў плюсе», «312 рублёў — гэта толькі бензін на месяц. Калі ездзіў на працу на каршэрынгу, выходзіла каля 200-300 рублёў штомесяц. Самы просты крэдыт на «Джылі» з бензінам і абслугоўваннем — 1200».

Але ж адна дзяўчына падзялілася і негатыўным вопытам карыстання арэндай аўто: «У мяне за адну паездку атрымалася 25 тысяч рублёў. Незапланаванае спыненне ў кювеце». Каментатарка сцвярджае, што не засмуцілася і вынесла шмат урокаў, якія паўплывалі на яе далейшае кіраванне.

Каментары6

  • Верно
    05.02.2024
    Петя, согласен. Веду учет расходов на свои авто несколько лет. На предыдущей машине проехал за год 30 т.км. Стоимость каждого километра с учётом потери стоимости авто при продаже получилась 41 коп. Если бы проехал за год всего 4000 км, как герой статьи, то дешевле было бы пользоваться каршерингом, чем владеть личным авто.
  • Illinois
    05.02.2024
    Некалі бачыў артыкул, што калі за тыдзень вы наязджаеце, падаецца, меней за 200 міль, то выгадней не набываць аўто, а карыстацца таксі або каршэрынгам.
  • ЯНКА
    05.02.2024
    • КАРШЭНІНГ ІМ! •
    🔎 Нам неабходна шукаць — і з усімі люпамі знаходзіць! — адпаведнікі гэтае барбаршчыны. Але вось што тутака цікава.
    💯 Уявіце, што не прыцягнулі б ласыя да ўсяго заходняга расейцы ўсе гэтыя цьфу-«гаджэты» ў свой, як бачна, ня надта «велікій і могучій». То, упэнены, не зьявіліся яны й у тых, хто гэтак апантана стаіць на варце наркама(на)ўкі.
    🔔 Бедарус, таму ня сьпінэр. Распраў свой касьцінг і ўсе скілы, ды па-дайвінгам тых блохераў і псэўдажу..стаў, што разьвесілі коўч лакшары табе на лапухі. У гёрлу ім аўтлет, каб яны ажно залайкалі ад крыпаты сваімі эйчарамі. А худзі! Хайп схопіць іх за-клінінг.
    🚯 Чаго ж стаім кол-цэнтрам? А-ну, дзявайсы й хлапайсы, спыняйма гэты брэнд!

Цяпер чытаюць

Еўрасаюз рыхтуе поўную забарону аперацый з беларускімі банкамі1

Еўрасаюз рыхтуе поўную забарону аперацый з беларускімі банкамі

Усе навіны →
Усе навіны

Гурт «Дразды» пакідае сцэну і вінаваціць у гэтым «гіперактыўных блогераў»9

Дзяржаўныя каналы Беларусі выдаюць сутычкі ў Лос-Анджэлесе за «разгон мітынгоўцаў»5

У Гомелі мужчына дапамог данесці хворага да машыны хуткай дапамогі, а ў працэсе абакраў яго1

РПЦ асвяціла харугву ГУБАЗіКа ФОТАФАКТ4

Ізраіль афіцыйна прызнаў, што перадае Украіне сістэмы СПА

«Выйшла ў лес, крычала і плакала». Палітзняволеная расіянка з вокладкі «КП» расказала пра сваё зняволенне і дэпартацыю2

За здымкі на вакзале ў віцебскім СІЗА трымаюць аршанца Яўгена Бодрыкава2

«Праца цяжкая, але плён натхняе». Сёлетні клубнічны сезон працягнецца даўжэй, чым звычайна

На Зямлі ёсць нябачная мяжа, якую жывёлы не перасякаюць. Вось чаму2

больш чытаных навін
больш лайканых навін

Еўрасаюз рыхтуе поўную забарону аперацый з беларускімі банкамі1

Еўрасаюз рыхтуе поўную забарону аперацый з беларускімі банкамі

Галоўнае
Усе навіны →

Заўвага:

 

 

 

 

Закрыць Паведаміць