У 2010 годзе адрасную сацыяльную дапамогу ў Беларусі атрымаюць прыкладна 300 тыс. чалавек,
паведаміла на прэс‑канферэнцыі 5 студзеня намеснік міністра працы і сацыяльнай абароны Валянціна Каралёва. На гэтыя мэты будзе выдзелена 97 млрд. рублёў.
Усяго з 2001 года атрымальнікамі дзяржаўнай адраснай дапамогі сталі больш за 950 тыс. чалавек. У асноўным гэта шматдзетныя і няпоўныя сем’і. За гэты перыяд сума дапамогі склала амаль 100 млрд. рублёў. За 9 месяцаў 2009 года атрымальнікамі адраснай дапамогі сталі 155 тыс. чалавек на агульную суму 30 млрд. рублёў. Мяркуецца, што ў 2009 годзе колькасць атрымальнікаў адраснай сацыяльнай дапамогі складзе амаль 200 тыс. чалавек. На яе выплату накіравана прыкладна 40 млрд. рублёў.
Каралёва нагадала, што ў снежні 2009 года быў прыняты ўказ № 458, які ўдасканаліў механізм аказання адраснай сацыяльнай дапамогі. Так, для атрымання аднаразовай сацдапамогі павышаны крытэрый патрэбнасці да 150% бюджэту пражытачнага мінімуму. Перыяд аказання штомесячнай дапамогі павялічаны з трох да шасці месяцаў. Уведзены новы від дапамогі — сацыяльная дапамога на тэхнічныя сродкі рэабілітацыі. Акрамя гэтага, у адзіную сістэму аб’яднаны безнаяўныя жыллёвыя субсідыі і сацдапамога.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары