Субота, 19 жніўня
«Лад», 10.20
«Двое на востраве сьлёзаў».
Беларусь, 1987, рэж. Віктар Дашук.
Псыхалягічная драма.
Ігравая стужка клясыка-дакумэнталіста Віктара Дашука.
БТ, 14.30
«Маем рэчы».
Беларусь, 2006, аўтар і вядоўца Алесь Матафонаў.
«Пас кунтушовы» – тэма гэтае перадачы.
БТ, 21.35
«Мэтро».
Паўдзённая Карэя, 2003, рэж. Бак Ўун-Хак.
Баявік.
Тэрарысты захапілі цягнік у мэтро. Сярод пасажыраў – мэр Сэулу. Улады бясьсільныя. І толькі паліцэйскі Джэй кідае выклік ворагам.
Непаліткарэктны карэйскі баявік, крывавы й дынамічны.
СТВ, 00.05
«Чэрвеньскі зьмей».
Японія, 2002, чорна-белы, рэж. Шынья Цукамота.
Містыка-эратычная драма.
Рынка задаволеная жыцьцём, хаця даўно ня сьпіць з мужам, звар’яцелым на чысьціні. Аднойчы гераіня атрымлівае ліст з уласнымі непрыстойнымі фатаграфіямі...
Фільм прэзэнтаваны ў рубрыцы арт-гаўз.
Нядзеля, 20 жніўня
БТ, 22.20
«Арланда».
Вялікабрытанія–Францыя–Нідэрлянды–Італія–Расея, 1992, рэж. Сэлі Потэр.
Касьцюмная драма-прыпавесьць паводле раману Вірджыніі Вулф.
Прыгожаму юнаку Арланда каралева Элізабэта загадвае не старэць.
Арланда жыве стагодзьдзямі... толькі зьмяняе пол.
Пекнае касьцюмнае відовішча, адзін з маніфэстаў жаночага кіно.
СТВ, 22.55
«Тытус».
ЗША–Італія, 1999, рэж. Джулі Тэймар.
Трагедыя паводле п’есы Ўільяма Шэксьпіра.
Ваявода Тытус Андронік прыносіць у ахвяру сына гоцкай каралевы Таморы. Але за злачынствам ідзе помста.
Мадэрнізаваны Шэксьпір: рымляне ў армейскіх ботах, з газэтамі й аўто. Намінацыя на «Оскара» за лепшы дызайн касьцюмаў.
У ролі Тытуса – Энтані Гопкінз.
Каментары