Памятны знак будзе ўсталяваны ў гарадскім парку.
У Бешанковічах памятны знак дзяржаўнаму дзеячу і мецэнату, канцлеру ВКЛ, ураджэнцу Бешанковіцкага раёна Льву Сапегу, піша мясцовае выданне «Зара».
У студзені райвыканкам абвясціў конкурс эскізных праектаў памятнага знака Льву Сапегу. Усяго на конкурс было прадстаўлена 12 творчых работ. У аўторак журы, у склад якога ўвайшлі эксперты ў галіне мастацтва з Мінска і Віцебска, а таксама прадстаўнікі раёна, вызначылі пераможцу. Аўтар працы — мінскі скульптар Іван Міско.
Мемарыяльны знак уяўляе сабой бронзавы арачны барэльеф, які паказвае канцлера Льва Сапегу з атрыбутамі дзяржаўнай улады. Выява ўманціравана ў нішу прыроднага гранітнага блока для надання манументальнасці і значнасці вобраза Сапегі ў гістарычным аспекце Рэспублікі Беларусь.
«Зара» падкрэслівае, што працу, як адну з самых годных, адзначылі і прадстаўнікі актыву раёна, якія прынялі ўдзел у апытанні.
Памятны знак будзе ўсталяваны ў гарадскім парку.
Цяпер чытаюць
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон33
Каментары