Культура

Саша Філіпенка, KOOB, Вольга Шпарага, Аляксандр Казела: у Берліне адбудзецца вялікі фестываль незалежнай беларускай культуры

Праграма фэсту ўключае два дзясяткі мерапрыемстваў з удзелам больш чым 50 творцаў.

У межах фестывалю адбудзецца спектакль Юрыя Дзівакова Clausa fores з Аляксандрам Казела ў галоўнай ролі. Фота: Tomasz Kulbowski.

З 22 па 25 сакавіка ў Берліне Гётэ-Інстытут у выгнанні ладзіць вялікі міждысцыплінарны фестываль беларускай культуры, піша Reform.by.

Праграма фэсту ўключае два дзясяткі мерапрыемстваў з удзелам больш чым 50 тэатралаў, кінематаграфістаў, пісьменнікаў, паэтаў, музыкаў, філосафаў, мастакоў і актывістаў з Беларусі. Фестываль мае на мэце пабудаваць мост паміж беларускімі творцамі, якія жывуць у эміграцыі ў Берліне, Варшаве, Кракаве, Вільні ці Тбілісі і былі вымушаныя пакінуць радзіму ў сувязі з драматычнымі падзеямі апошніх трох гадоў у краіне.

Асноўнай пляцоўкай фестывалю стале Kunsthaus ACUD — адзін з нямногіх незалежных мастацкіх дамоў, заснаваных ва Усходнім Берліне пасля падзення Сцяны.

Дыскусіі, канцэрты, перформансы, прэзентацыі кніг, кінапаказы, спектаклі, воркшопы — праграма фэсту ўключае самыя разнастайныя івэнты, у якіх возьмуць удзел дзеячы сучаснай беларускай культуры.

Саша Філіпенка, Альгерд Бахарэвіч, Юлія Цімафеева, Дзмітрый Строцаў, Сабіна Брыло, Таццяна Нядбай, Ева Вежнавец, Ірына Герасімовіч, Зміцер Вішнеў, Вольга Бубіч прадставяць беларускую літаратурную і перакладчыцкую сцэну на фестывалі.

Вялікі блок гэтаксама — кінапраграма, У межах форуму адбудуцца паказы кінастужак: «Радзіма» Аляксандра Міхалковіча і Ганны Бадзяка, «Спатканне ў Мінску» Мікіты Лаўрэцкага, «Маладосць па-беларуску» Ксеніі Галубовіч, «Дзённік Анастасіі» Максіма Буйніцкага, двух эпізодаў серыяла «Працэсы» Андрэя Кашперскага, праекта ЧынЧынЧанэл «ЧынЧыны ў Берліне».

Экс-дырэктарка форуму «ТэАрт» Анжэліка Крашэўская разам з нямецкай пісьменніцай і перформеркай Анэт Грэшнер прыме ўдзел у дыскусіі аб нямецкай і беларускай культурнай сцэнах. Тэатральную частку фэсту эфектна дапоўніць нашумелы спектакль Юрыя Дзівакова Clausa fores з Аляксандрам Казела ў галоўнай ролі.

Беларуская філософка Вольга Шпарага і мастацкая кіраўніца фестывалю новай музыкі ECLAT Крысцін Фішэр абмяркуюць тэму як эміграцыя ўплывае на нашы ўласныя культурныя практыкі і як яна зменіць беларускую культуру ў доўгатэрміновай перспектыве. Мадэратар дыскусіі — былы дырэктар Гётэ-Інстытута ў Беларусі, кіраўнік інфармацыйнага аддзела ў галоўным офісе Гётэ-Інстытута ў Мюнхене Якаб Рачак.

Канцэрты KOOB, DJ stereobeaver і гуканне вясны з гуртом KRIWI — фестываль не абыйдзецца без музыкі беларускіх выканаўцаў.

Адно з важнейшых падзей на культурным аглядзе — і прэзентацыя зборніка лістоў ад палітзняволеных жанчын Беларусі «Калі вы ідзеце праз пекла — працягвайце ісці» Кардэліі Дворак.

Мерапрыемствы форуму будуць праходзіць на нямецкай, англійскай, беларускай і рускай мовах з перакладам. Уваход на ўсе івэнты — вольны.

Падрабязней з праграмай фестывалю беларускай культуры ў Берліне можна пазнаёміцца тут.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4

«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі

Усе навіны →
Усе навіны

У Магілёве пасля прапагандысцкай кампаніі за будаўніцтва царквы ў ахоўнай зоне лесапарку выявілася, што будаваць яе нельга3

Стала вядома пра смерць 38-гадовага экс-палітвязня Алега Гнедчыка1

Святлана Алексіевіч павіншавала Ціханоўскую з вызваленнем мужа1

Так жылі багатыя мінчукі 90-х. Прадаюць кватэру ў доме для партыйнай эліты5

Пазняк пра вызваленне палітвязняў: Яны крычалі: «душыць санкцыямі». Тое, што мы бачым — падрыхтавалі іншыя107

«Казырамі не раскідваюцца. Бацька перайграў і знішчыў». Як прапаганда патлумачыла вызваленне Ціханоўскага19

Франак Вячорка пра Ціханоўскага і іншых вызваленых: Спісы мяняліся ў самы апошні момант19

З чым Келаг параўнаў Палац незалежнасці Лукашэнкі?9

«Пабачыў шмат крыві». Сябар 43-гадовага Змітра Каспяровіча расказаў, як знайшоў яго цела3

больш чытаных навін
больш лайканых навін

«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4

«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі

Галоўнае
Усе навіны →

Заўвага:

 

 

 

 

Закрыць Паведаміць