Грамадства1010

Тэсціроўшчыца падзялілася лайфхакам, як адкладаць 80% заробку

«У мяне атрымліваецца адкладаць 80% свайго даходу! Гучыць фантастычна, але гэта сапраўды так. Распавядаю, як уладкаваны мой бюджэт і колькі мне ўдалося сабраць з такім падыходам», — гісторыю Святланы, якая мае досвед працы восем гадоў, расказвае Devby.io.

Не плачу за кватэру, не трэба шмат адзення і касметыкі

«Я працую тэсціроўшчыцай у беларускай дзяржканторы. Да гэтага працавала ў прыватнай кампаніі, але прадукт таксама быў разлічаны на беларускі рынак».

Жыву з хлопцам у кватэры яго бацькоў. Таму на арэнду не трацімся. На прадукты скідваемся разам. У нас ёсць агульная скарбонка, куды мы складаем гатоўку. На выходных я падзарабляю на стайні (больш для душы, чым для грошай), грошы туды таксама ідуць у тую самую скарбонку.

Са свайго заробку трачу рэгулярна на:

  • абаненцкую плату за сувязь,
  • праязны на метро,
  • на праезд (маршрутка) для паездак на стайню.

Яшчэ з тратаў могуць быць падарункі блізкім. Калі планую падарыць нешта дарагое, то адкладаю асобна.

Часам можам зайсці ў шаурмічную або рэдка замовіць нешта ў офіс з ежы. Звычайна я бяру ссабойкі.

Абутак і адзенне я купляю рэдка, мне камфортна хадзіць у адным і тым жа. Манікюр, педыкюр раблю сама. Фарбавацца не люблю, таму на дэкаратыўную касметыку таксама не трачу. Валасы не фарбую — падабаецца натуральны колер, стрыжэ мяне мама раз у пару месяцаў. Машыны ў мяне таксама няма, а гэта звычайна прыстойны артыкул выдаткаў.

Усё адносна дарагія рэчы (гадзіннікі, навушнікі, электронная кніжка) мне падарыў хлопец. Хацелася б змяніць тэлефон, але пакуль прыярытэтнае паехаць кудысьці ў адпачынак. Камунальныя плацяжы + інтэрнэт аплачвае хлопец. Ён працуе рэпетытарам англійскай, даход у нас прыкладна аднолькавы.

Калі ідзём у кафэ або рэстаран, то аплачвае хлопец. Калі ідзём у тэатр, то квіткі купляе хтосьці з нас. У падарожжа ўкладваюцца абодва пароўну. Асабістыя патрэбы (адзенне, тавары для догляду за сабой, хобі) задавальняе кожны сам свае. Перыядычна хлопец мне можа нешта купіць з адзення. Нядаўна купіў зімовую куртку.

Калі нешта тэрмінова трэба купіць з адзення ці нешта для дома, то менш адкладаем. Але такое бывае рэдка. За дастаўку ежы дадому плаціць хлопец.

Стыль жыцця або свядомая эканомія?

Як толькі атрымліваю заробак, то я адразу ж купляю валюту на пэўную суму. Спачатку на рахунку збіраю даляры, потым здымаю, калі некалькі тысяч назбіраецца. Цяпер пачала ў еўра збіраць — за падарожжа часта трэба плаціць менавіта ў гэтай валюце. Захоўваю грошы проста ў кэшы, я нічога не разумею ў інвестыцыях.

Дарэчы, тое, што я адкладаю ў валюце, вельмі дапамагае эканоміць. Калі скарбонка будзе ў беларускіх рублях, то туды вельмі проста залезці. А так трэба ісці, мяняць грошы.

Вядома, бываюць сітуацыі, калі да заробку яшчэ тыдзень, а засталося 30 рублёў. І нічога, жыву на гэтыя грошы. Ежа ж закупляецца з загадзя адкладзеных грошай. Праязны загадзя аплачаны. Вось гэта і прывучае да рацыянальнай траты грошай. Зло — гэта Wildberries, але не будзеш жа ты на апошнія грошы там нешта купляць?

У маім выпадку такая эканомія — гэта выбар. Мне ж не трэба карміць сям'ю з трох чалавек на 1500 рублёў. Мой хлопец таксама не транжырыць, як і многія мужчыны, рэдка купляе вопратку.

Я такі чалавек, што, калі не буду сябе моцна абмяжоўваць (пры атрыманні даходу адразу купляць на пэўную суму валюту), то грошы патрачу на ўсякае глупства. Чалавек-крайнасць.

З такім падыходам мне ўдалося сабраць каля 17 тысяч долараў за 5 гадоў. Пакуль не ведаю, куды іх выдаткаваць. Думаю пра кватэру, але часам хочацца выдаткаваць усё на падарожжа ў экзатычныя месцы.

Каментары10

  • Мыш
    22.03.2024
    Лайфхак: няхай нехта іншы за ўсё плаціць! Так можна і 100% заробку адкладваць )))
  • 1
    22.03.2024
    Надзвычай карысны лайфхак. За ўсё, ці амаль за ўсё плаціць хлопец / яго бацькі. Але адначасова з тым, хутчэй за ўсё, павінна быць поўнае раўнапраўе ва ўсім, што датычыцца абавязкаў. 
  • Кастусь
    22.03.2024
    похоже на историю успеха в духе "Как стать хозяинов 6 квартир в Москва к 30 годам? Надо родиться дочкой судьи"
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Лукашэнку на свяце ў Александрыі суправаджала афіцэр Зайцава20

Лукашэнку на свяце ў Александрыі суправаджала афіцэр Зайцава

Усе навіны →
Усе навіны

Адзін з найлепшых расійскіх футбалістаў Смолаў пабіўся ў кафэ з тымі, хто абмяркоўваў яго ВІДЭА2

Пазняк асудзіў Ціханоўскага: Седзячы пяць гадоў, можна было да беларускай мовы звярнуцца103

Чым адрозніваецца бортніцтва ад пчалярства? І чаму вучыліся палякі ў беларускіх бортнікаў1

Мінская школьніца пачала распаўсюджваць наркотыкі 1 верасня, а ўжо на заўтра яе арыштавалі4

У Барысаве пасля скачка ў ваду загінуў 18-гадовы хлопец1

Шаметавец: Пасля знікнення ні Мельнікава, ні ад яе імя на «Кіберпартызанаў» не выходзілі. Яна не мае чым нас шантажаваць4

Па-беларуску выйдзе «Беларускі снайпер» пасла Шарэпкі, а Квяткоўскі напісаў працяг «Фрашак»

Зянон Пазняк: Зараз інтарэсы рэжыму ў нейкай ступені супадаюць з нацыянальнымі інтарэсамі65

«Кіберпартызаны»: Не трэба раздзімаць паніку, што рэжым усё можа ўзламаць, прачытаць, пра ўсё даведацца. Не, не можа2

больш чытаных навін
больш лайканых навін

Лукашэнку на свяце ў Александрыі суправаджала афіцэр Зайцава20

Лукашэнку на свяце ў Александрыі суправаджала афіцэр Зайцава

Галоўнае
Усе навіны →

Заўвага:

 

 

 

 

Закрыць Паведаміць