«Да 10 тысяч рублёў. Прэзідэнцкі заробак». Лукашэнка расказаў, колькі зарабляюць медыкі
Падчас сённяшняга візіту ў Гродна Аляксандр Лукашэнка сярод іншага займаўся справамі медыцыны. Міністр аховы здароўя Аляксандр Хаджаеў, робячы яму даклад, расказаў, які сёння ў Беларусі сярэдні заробак лекараў, а Лукашэнка назваў максімальны і параўнаў яго са сваім.
«Кажуць, таго не хапае, гэтага не хапае. Лекараў, медсясцёр… Слухай, у нас усяго хапае. Толькі ў нас некаторыя катэгорыі, у тым ліку лекары, хочуць працаваць, як у нас, а жыць, як на Захадзе, і атрымліваць вялікія грошы. Дык яны суткамі [там] працуюць, асабліва моладзь. Гэта я ведаю дакладна. Суткамі працуюць. Але яны і зарабляюць», — абурыўся неапраўданымі, на яго думку, патрабаваннямі мясцовых спецыялістаў Лукашэнка.
Пры гэтым, маўляў, і ў Беларусі ў найлепшых клініках лекары зарабляюць вельмі прыстойныя грошы, нібыта параўнальныя з тымі, якія афіцыйна мае ён сам:
«Да дзесяці тысяч рублёў. Восем-дзесяць тысяч зарабляюць лекары. Прэзідэнцкі заробак».
І хто такія грошы атрымлівае, таксама працуюць шмат: «Не скажу, што суткамі, але працуюць з задавальненнем. Яшчэ і навукай займаюцца. Захопленыя людзі».
Іншыя ж, паводле слоў міністра аховы здароўя, зарабляюць куды менш, але таксама нібыта няблага: сярэдні заробак лекараў па краіне, як сцвярджае Аляксандр Хаджаеў, 2800 рублёў.
Пры гэтым міністэрства, маўляў, імкнецца даваць ім зарабляць як найболей, дазваляючы працаваць без выхадных.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары