«Цяпер зразумела, чаму жываты баляць». У Новай Баравой праблемы з вадой, жыхарам пра небяспеку сказалі праз тыдзень
Жыхары Новай Баравой у чатах раёна скардзяцца на якасць вады. У адных з кранаў цячэ нешта падобнае да нафты. У іншых — вада быццам бы чыстая, але на наступны дзень у ёй утворыцца незразумелы асадак.
16 красавіка на скаргі адрэагавалі ў кампаніі А-100. Там паведамілі, што ведаюць пра праблему і цягам тыдня вядуць камунікацыю з «Мінскводаканалам». У кампаніі рэкамендавалі жыхарам раёна не ўжываць ваду з-пад крана.
Паведамленне выклікала буру эмоцый у жыхароў. Яны не разумеюць, чаму пра праблемы з вадой не паведамлялі ўвесь тыдзень.
«Ведалі, што тыдзень ідзе кепская вада, і маўчалі? Чаму раней не напісалі пра праблему? Да ўчарашняга вечара карысталіся вадой з крана і фільтра, не падазраючы праблемы, цяпер зразумела чаму жываты баляць», — адзначыла адна з жыхарак.
Яшчэ адзін каментатар у суполцы А-100 расказаў: у «Мінскводаканале» заявілі, што праблема на баку раёна, вада туды падаецца чыстая.
Днём кампанія А-100 паведаміла, што з 13:30 «Мінскаводаканал» будзе праводзіць прамыванне вадаправода ў Новай Баравой. Якасць вады можа пагоршыцца, ціск можа знізіцца. У 18:00 у раён павінны прывезці чыстую пітную ваду. Пра тое, дзе будзе стаяць машына з вадой, пакуль не паведамляецца.
На фронце загінуў сын экс-кандыдата ў прэзідэнты Дзмітрыя Уса. Іван ваяваў за Расію6
Каментары