Вайна1313

«Янкі» расказаў, чаму знік з інфаполя

Баец Беларускага добраахвотніцкага корпуса Ігар «Янкі» Янкоў патлумачыў, чаму амаль год не даваў інтэрв'ю, якія заданні выконваў за апошні час, а таксама расказаў навіны з Беларусі.

Боец Белорусского добровольческого корпуса Игорь «Янки» Янков. Fighter of the Belarusian Volunteer Corps Ihar "Yanki" Yankov Баец Беларускага добраахвотніцкага корпуса Ігар «Янкі» Янкоў
Ігар «Янкі» Янкоў. Скрын відэа: Raminaeshakzai / YouTube

Баец Беларускага добраахвотніцкага корпуса Ігар «Янкі» Янкоў у першым пасля доўгага перапынку інтэрв'ю ютуб-каналу Ramina сваю адсутнасць у медыйнай прасторы патлумачыў тым, што «выконваў пастаўленыя ад камандзіра задачы»: «мы былі на пэўным сектары работы, дзе знаходзіліся без магчымасці некуды паехаць».

Беларус уваходзіць у склад спецатрада спецыяльнага прызначэння «Парагон» Галоўнага ўпраўлення разведкі Міністэрства абароны Украіны, які выконвае баявыя задачы як на зямлі, так і на вадзе і ў паветры.

Сярод апошніх задач — гэта забеспячэнне «дарогі жыцця» пад Аўдзееўкай. «Нас знялі на задачу па кароткім паведамленні за пару гадзін, і мы паехалі выконваць». Але падрабязнасці аперацыі баец адмовіўся расказаць:

«У гэтым і хаваецца адказ на пытанне, чаму я перастаў з'яўляцца ў медыйнай прасторы. Адзін з фактараў гэта тое, што мы выконваем спецыяльныя задачы. І вораг не павінен ведаць, дзе мы іх выконваем і што мы робім».

Як змяніўся за гады вайны

Па словах «Янкі», за два гады поўнамаштабнай вайны ён «стаў больш назіральнікам», стаў менш рэагаваць на нейкія каментары, менш з'яўляцца ў сацыяльных сетках. Баец сцвярджае, што сышоў з тэлеграма і інстаграма і яму «ўсё роўна на колькасць падпісчыкаў і нейкі піяр».

Пазней у размове «Янкі» дадаў, што на яго паводзіны аказала ўплыў «агульная ваенная дарога»: «Калі ў пачатку здавалася, гэта быў нейкі варушняк «весела, задорна», то, калі ты праходзіш далей, уплывае стомленасць, страта сяброў».

Чым цяпер займаецца «Янкі»

Баец расказаў, што ён па-ранейшаму застаецца кулямётчыкам, але бываюць задачы, калі ён бярэ звычайны аўтамат.

«У мяне на адной з задач была траўма. Я ішоў з кулямётам. Там была няпростая мясцовасць. Я падвярнуў калена. Мы ўсё роўна пайшлі на гэту задачу. Вярнуліся. І, скажам так, ужо па здароўі мне цяжка хадзіць з кулямётам».

Перыядычна пасля выканання баявых задач «Янкі», як і іншыя байцы яго падраздзялення, на непрацяглы час вяртаюцца на адпачынак.

«Цяпер, калі прыязджаеш у такія вялікія гарады, як Кіеў, то бачыш, як цывільнае насельніцтва ставіцца да ваенных. Ідзеш па тых жа вуліцах. Гэта не тое стаўленне, што было паўтара года назад. <…>

Я б хацеў, каб ваенныя з цывільнымі былі як нейкае адзінае цэлае. Каб разумелі адзін аднаго. Зразумела, што цывільныя жывуць нейкае звычайнае жыццё. Але мы разумеем, чым далей мы ідзём, мы больш бачым, што ўсе, груба гаворачы, забіваюць нейкі хер».

Каб адчуць гэта, Янкі прапануе прайсціся па Кіеве, паглядзець на атмасферу каля вядомага бара «П'яная вішня» недалёка ад майдана Незалежнасці, прааналізаваць, наколькі змянілася агульная статыстыка дапамогі арміі.

«Людзі цяпер сталі больш разважаць, глядзець у інтэрнэт-рэсурсах на палітыкаў. Ва ўсіх падымаецца меркаванне, што «вось паглядзіце там палітыкі, а за што я буду ваяваць?» І вось гэтыя ўсе рэчы ўплываюць на вайскоўцаў. Яны глядзяць на цывільных, якія так гавораць, і адбываецца канфлікт», — тлумачыць Янкі.

Пра кантакты «Янкі» з Беларуссю

«Янкі» сцвярджае, што не камунікуе з роднымі, якія засталіся ў Беларусі. Нядаўна ён даведаўся, што памерла прабабуля, якая займалася яго выхаваннем.

«Я даведаўся, што дзяржава Беларусь выставіла кватэру, у якой жыла бабуля, на аўкцыён з жывой бабуляй на продаж. Я магу толькі сказаць, што калі-небудзь станецца, і вы за ўсё адкажаце».

Што з яго ўласнай кватэрай, якая засталася ў Беларусі, баец нічога не ведае.

«Янкі» пра беларусаў

На пытанне, пра тое, што цяпер з беларускай апазіцыяй, «Янкі» адказаў: «Яе няма». Па яго словах, калі з пачатку вайны апазіцыя спрабавала «выходзіць на добраахвотныя падраздзяленні», то цяпер «яны проста замаўчалі».

Чаму «Янкі» спыніў кантакты з «Бессмяротным»

«Янкі» патлумачыў прычыну разрыву кантактаў з беларусам Андрэем Трацеўскім («Бессмяротным») асабістымі прычынамі: «Гэта асабістае. Мы ўсе дарослыя людзі. Проста перасталі камунікаваць. І ніхто не павінен у гэта ўлазіць».

Каментары13

  • бабруйчанін
    23.04.2024
    Да Беларусі ен толькі фактам свайго нараджэння датычны.Нарадзіўся пасля 92 рос пры " абранам94" Пад час " 2020 " варушняк...пасля 24 Лютага таксама " варушняк" а пасля реаліі Украіны украінцы....Падобны быў " Моджахед" ..Мужные прыгожыя аданныя але " згубленны" дзля Беларусі..
  • Пеця
    23.04.2024
    Пазьняк сказаў што вызваляць Беларусь нельга i знiк.
  • Света
    23.04.2024
    Пеця, о, зноў вылез, ты ўжо вызначыся з кім ты, з Пазняком ці з Лукой
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Моцны смерч нарабіў бяды ў Гарадоцкім раёне ФОТЫ1

Моцны смерч нарабіў бяды ў Гарадоцкім раёне ФОТЫ

Усе навіны →
Усе навіны

У Італіі знайшлі цела 18-гадовай украінскай студэнткі. У дзень смерці ёй адмовілі ў працягу стажыроўкі

Начальнік сувязі 8-й арміі загінуў у выніку ўдару ўкраінскімі ракетамі

Толькі адзін выпускнік здаваў цэнтралізаваны экзамен па гэтым прадмеце3

Наталля Пяткевіч працягвае выгульваць амерыканскі гардэроб16

Кінолаг расказала пра просты тэст на выхаванасць сабакі1

Трамп абяцаў Пуціну разбамбіць Маскву к чортавай мацеры, калі Расія нападзе на Украіну6

«Вагнер» завербаваў людзей у Лондане, каб тыя выкралі расійскага бізнэсмена Чычваркіна. Адзін з іх перапісваўся з «Minsk KGB»6

Як Трамп выкарыстоўвае «тэорыю вар'ята», каб мяняць свет пад сябе. І ў яго атрымліваецца4

«У вас ёсць усяго некалькі хвілін». Што рабіць, калі навальніца, ураган або смерч засталі на прыродзе2

больш чытаных навін
больш лайканых навін

Моцны смерч нарабіў бяды ў Гарадоцкім раёне ФОТЫ1

Моцны смерч нарабіў бяды ў Гарадоцкім раёне ФОТЫ

Галоўнае
Усе навіны →

Заўвага:

 

 

 

 

Закрыць Паведаміць