Юрый Вальмус памёр 25 красавіка 2024 года. Вядомы баранавіцкі кампазітар у апошні час змагаўся з анкалогіяй.
Пра смерць музыкі ў нацыянальных і мясцовых СМІ не паведамлялася. Да гэтага часу няма інфармацыі і на сайце Беларускага саюза кампазітараў, сябрам якога Юры Вальмус быў з 2004 года. Толькі на яго старонках у сацсетках сябры і знаёмыя размясцілі свае спачуванні. BAR24 інфармацыю пра смерць славутага земляка пацвердзілі яго знаёмыя.
Юрый Вальмус нарадзіўся 8 чэрвеня 1972 года ў Баранавічах. Пасля заканчэння музычнай школы, у 1988 годзе паступіў у Баранавіцкую музычную вучэльню па класе «скрыпка. Пасля вучылішча, у 1992 годзе, быў залічаны на кампазітарскае аддзяленне Беларускай акадэміі музыкі ў клас прафесара Я. А. Глебава.
У 1997 годзе, скончыўшы акадэмію музыкі, вярнуўся ў Баранавічы. Тады ж быў прыняты ў сябры «Асацыяцыі сучаснай музыкі» пры Саюзе кампазітараў Рэспублікі Беларусь.
У 2004 годзе стаў членам Саюза кампазітараў Рэспублікі Беларусь. Працаваў выкладчыкам у Баранавіцкім дзяржаўным музычным каледжы.
-
Да маці беларускага вандроўніка, які здзейсніў кругасветку, прыходзілі сілавікі
-
Прапагандысты пасля роліку ў тыктоку паехалі ў вясковую краму — там ужо ўсе задаволеныя, а паліцы поўныя
-
«Не ведаю, што вы там выпраўлялі, але мінус як быў так і застаўся». Кліенты банкаў працягваюць скардзіцца на няправільныя балансы
Цяпер чытаюць
Польшча прызнала Аляксандра Машэнскага непажаданай асобай35
Каментары