«Міліцыянты гэта заахвочваюць, запрашаюць на службу, падтрымліваюць». У Салігорску хлопец ходзіць па вуліцы ў кепцы ПВК «Вагнер»
Ягор жыве ў Салігорску. Часткай яго паўсядзённага гардэроба з'яўляецца бейсболка з эмблемай расійскай ПВК «Вагнер».
Ягор распавёў, як да такога стылю ставяцца навакольныя і сілавікі, і ці не ўзнікаюць палітычныя спрэчкі.
На хлопца звярнула ўвагу выданне «Slutskgorod». Яно пацікавілася, як да такой кепкі ставяцца навакольныя, і ці не было з-за яе праблем з міліцыяй.
Ягор сцвярджае, што ён ні разу не сустракаўся з крытыкай або негатывам у свой адрас з-за бейсболкі.
«Дзеці маладзейшыя, асабліва гадоў 15-16, калі бачаць, наадварот, падтрымліваюць, радуюцца», — кажа хлопец.
Пры гэтым некаторыя дарослыя ўсё ж задаюць пытанні — у такім выпадку Ягор адказвае, што не мае ніякага дачынення да ПВК «Вагнер» і не ўдзельнічаў у вайне.
Па словах хлопца, пазітыўна ставяцца да эмблемы прыватнай ваеннай кампаніі міліцыянты.
«Супрацоўнікі міліцыі, калі бачаць, дзівяцца, запрашаюць да сябе на службу. Яны гэта заахвочваюць, іх не турбуе, яны нават падтрымліваюць часам. Могуць дапамагчы. Таму ўсё добра», — заяўляе хлопец.
Жыхар Салігорска кажа, што эмблему «Вагнера» можа смела насіць, а вось «забароненыя» — не варта.
«Я ведаю чалавека, які насіў «забароненую» эмблему, яго злавілі і далі не вельмі маленькі штраф, вельмі сур'ёзны. Ён дагэтуль яго быццам бы не аплаціў, я з ім даўно не меў зносін», — распавёў хлопец.
Пра якую менавіта «забароненую» эмблему ідзе гаворка, Ягор не патлумачыў.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
Цяпер чытаюць
«Ведаеце, як каментуе ваша затрыманне апазіцыя? «Арыштаваны памагаты рэжыму». Турэмная споведзь лідара прафсаюзаў Ярашука1
Каментары