У новым выпуску ТОКу палітолаг Юрый Дракахруст даў сваю ацэнку дарадцы Святланы Ціханоўскай Франаку Вячорку.
На пытанне, каго Дракахруст лічыць самай моцнай асобай у атачэнні Святланы Ціханоўскай, палітолаг назваў Франака Вячорку. Па яго словах, Вячорка — «вельмі эфектыўны, разумны чалавек».
«Мы яго ведалі як медыя-менеджара, медыя-адмыслоўца. На нашых вачах ён вырас у палітыка. Ён моцны палітык. Яго так усе ўспрымаюць».
Пры гэтым Дракахруст лічыць, што ключавыя рашэнні Ціханоўская прымае сама. Але, дадае ён, Вячорка назапасіў патэнцыял, які ён зможа скарыстаць незалежна ад таго, як пойдуць падзеі.
Чаму Франак Вячорка многім не падабаецца?
«Гэта зайздрасць, прычым зайздрасць да маладога, амбіцыйнага, эфектыўнага», — мяркуе Дракахруст. І дадае, звяртаючыся да зайздроснікаў і крытыкаў:
«Вы ж гэта месца не занялі. Як гаворыць герой у адной кнізе: «Няма дарогі свабоды. Дарога свабодная. Ты можаш ісці па ёй, калі можаш». Вось ён змог.
Прыехаў і сказаў: «Я прапаную свае паслугі». Яго паслугі былі прынятыя і аказаліся вельмі эфектыўнымі. Ну а іншым гэта не падабаецца. Іншыя, можа, хацелі б заняць гэта месца. Ну, не атрымалася. Здымаю капялюш перад ім».
Глядзіце цалкам:
Цяпер чытаюць
Дачка Надзеі Ермаковай пастаўляе рыбу ў калоніі, бальніцы і сілавікам7
Каментары
«Вы ж гэта месца не занялі. Як гаворыць герой у адной кнізе: «Няма дарогі свабоды. Дарога свабодная. Ты можаш ісці па ёй, калі можаш». Вось ён змог./
Так і пра Лукашэнку можна сказаць: «Вы ж гэта месца не занялі. Вось ён змог».