Гэта будзе залежаць ад таго, як Грэцыя будзе выходзіць з найскладанейшага фінансавага стану.
Гэта будзе залежаць ад таго, як Грэцыя будзе выходзіць з найскладанейшага фінансавага стану. Грэцыя трапіла ў даўгавую яму — у гэтым годзе яна мусіць выплаціць 54 мільярды еўра альбо аб’явіць дэфолт.Урад абяцае знайсці грошы і разлічыцца па пазыках, але фінансавыя рынкі бачаць сітуацыю нашмат больш песімістычна.
Палова ад 54 млрд павінна быць выплачана ў другім квартале. У красавіку і траўні краіна мусіць аддаць па 12 мільярдаў еўра.
«Наступныя шэсць месяцаў будуць мець вырашальнае значэнне. Яны стануць выпрабаваннем для нас і, на міжнародным узроўні, для нашага добрага імя», — сказаў прэм’
Лідэр дзяржавы трымаецца сацыялістычнага светапогляду і таму не збіраецца абразаць сацыяльныя выплаты.«Працоўныя не будуць расплачвацца за выпраўленне сітуацыі. Мы не будзем замарожваць ці змяншаць заробкі», — абяцае ён.
Дзяржаўны доўг ужо перавысіў 300 мільярдаў еўра. Калі ж Грэцыі прыйдзецца аб’явіць дэфолт і адмовіцца ад выплат, моцны ўдар будзе нанесены па фінансавым сектары Еўрасаюза. Дэфолт падарве давер да еўрапейскай валюты і прынясе істотныя страты фінансавым кампаніям з усёй Еўропы.
У найгоршым выпалку Грэцыя будзе вымушаная пакінуць зону еўра, увесці нацыянальную валюту, а пасля дэвальваваць яе.Але нават такое разгортванне падзей будзе балючым ударам па Еўропе. Мяркуецца, што найбольш адчувальным ён стане для Іспаніі і Партугаліі. Не маючы магчымасці дэвальваваць сваю валюту — краіны ўваходзяць у зону еўра — урады будуць вымушаныя рэзка скараціць рэальныя заробкі.
Днямі СМІ атрымалі звесткі, што Грэцыя звярнулася па дапамогу да Кітая, што было ўспрынята як крык адчаю. А катэгарычная адмова азіятаў стала своеасаблівым вотумам недаверу з боку Пекіна. Праўда, міністр фінансаў Грэцыі абвяргае ўдзел урада ў гэтай гісторыі: «Мы не звярталіся да Кітая, і інвестыцыйны банк не меў паўнамоцтваў весці перамовы ад нашага імені». Тым не менш, цэны грэчаскіх аблігацый працягваюць падзенне.
Пакуль хваляванні вакол Грэцыі працягваюцца, еўра за апошні месяц знізіўся да даляра з суадносінаў 1,51 да 1,39. Гэта найменшыя значэнні за паўгода.
Аналітыкі прадказваюць працяг падзення еўра ў бліжэйшыя дні, бо праблема не зможа вырашыцца хутка.
Выбар тут такі: калі вялікія краіны зоны еўра (Нямеччына, Францыя) Грэцыі дапамогуць, гэта будзе ўспрынята як гатоўнасць еўрапейцаў пагадзіцца з мякчэйшымі нормамі бюджэтнай дысцыпліны ў зоне еўра. Тады еўра пакаціцца ўніз мацней, бо стане ясна, што гэтая валюта не будзе такой даходнай у доўгатэрміновай перспектыве.
У той жа час калі дапамога Грэцыі аказана не будзе, гэта будзе сведчыць аб працягу жорсткай фінансавай палітыкі. Тады еўра зможа ўтрымацца на сваіх цяперашніх пазіцыях. Аднак еўразона пачне мяняць абсягі.
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары