У Беларусі дадаткова вывелі сілы і сродкі супрацьпаветранай абароны «для прыкрыцця паўднёвых рубяжоў»
Начальнік зенітных ракетных войскаў — начальнік упраўлення зенітных ракетных войскаў камандавання ВПС і войскаў СПА Узброеных сіл палкоўнік Андрэй Севярынчык пракаментаваў апошнія падзеі ў беларускім войску.
«Апошнім часам мы фіксуем рэзкае павелічэнне колькасці палётаў беспілотнікаў, якія вядуць разведку ў прымежных раёнах тэрыторыі Беларусі. Становішча ў паветранай прасторы напружанае. Адзначаецца пастаяннае парушэнне дзяржаўнай мяжы ў паветранай прасторы нашай дзяржавы. У сувязі з выкананай задачай мы не заўсёды можам адкрыта распавесці аб усіх фактах парушэння, але пры гэтым магу запэўніць, што ніводнае парушэнне не застаецца без уздзеяння», — кажа вайсковец.
Севярынчык сцвярджае, што падраздзяленні ўзброеных сіл Украіны, якія знаходзяцца на прыгранічнай тэрыторыі, забяспечаны не толькі разведвальнымі беспілотнымі лятальнымі апаратамі, але і апаратамі з магчымасцю нанясення паражэння ў глыбіню Беларусі. Нягледзячы на тое, што ўкраінскія фарміравання адчуваюць праблемы са сродкамі супрацьпаветранай абароны на іншых напрамках, адзначана вялікая колькасць СПА ў Жытомірскай вобласці, зазначыў ён.
У гэтых умовах Ваенна-паветраныя сілы і войскі супрацьпаветранай абароны адэкватна рэагуюць на абстаноўку вакол Рэспублікі Беларусь, заяўляе Андрэй Севярынчык.
«Для выяўлення лятальных апаратаў у паветранай прасторы нашай краіны дадаткова нарашчаны сілы і сродкі разведкі. Выкананне задач баявога дзяжурства Ваенна-паветранымі сіламі і войскамі СПА ў мірны час — гэта іх асноўная задача. (…) Таксама нарошчаная сістэма пастоў візуальнага назірання з адной мэтай — забеспячэнне інфармацыяй агнявых падраздзяленняў зенітных ракетных войскаў і войскаў СПА аператыўных камандаванняў, якія стаяць на баявым дзяжурстве. З гэтай мэтай дадаткова выведзены сілы і сродкі СПА ў назначаныя раёны для прыкрыцця паўднёвых рубяжоў, а таксама крытычна важных аб'ектаў Рэспублікі Беларусь.
Паводле яго слоў, кругласутачна ажыццяўляюцца палёты дзяжурных экіпажаў авіяцыі для патрулявання мяжы і вядзення разведкі і рэагавання на разнастайныя задачы.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу2
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х19
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8383
Каментары