Немец, прысуджаны да расстрэлу, датычны да дыверсій? Вось што за гісторыя гэта магла быць
Расійскія рэсурсы мяркуюць, што Рыка Крыгера ўзялі ў палон ва Украіне і вывезлі ў Беларусь.
Згодна са звесткамі партала EADaily, Крыгер датычны да дыверсій «у расійска-беларуска-ўкраінскім памежжы». Тады ўстае пытанне — якую ж дыверсію ён мог здзейсніць, калі рэйкавая вайна ў Беларусі даўно не ідзе? Можна выказаць толькі адну здагадку.
Адзіны выпадак дыверсіі ў Расіі, калі пацярпеў беларускі цягнік — а гэта хоць якая юрыдычная прывязка да нашай краіны, — адбыўся ў Бранскай вобласці 1 мая 2023 года. Тады адбыўся выбух беларускага цягніка, які вёз у Расію паліва з Мазырскага нафтаперапрацоўчага завода. Лакаматыў быў знішчаны незваротна, як і чатыры вагоны. Чыгуначнае палатно было значна пашкоджанае.
На наступны дзень нехта зрабіў яшчэ адну дыверсію ў Бранскай вобласці. А 3 мая сілавікі склалі фотаробат і паведамілі, што чалавек «меў узрост ля 40 гадоў, перасоўваўся на ровары». А Лукашэнка склікаў нараду, каб абмеркаваць тое, як спыніць дыверсантаў.
Пасля гэтага на мяжы Беларусі і Расіі фактычна ўзнавілі памежны кантроль, узмацніліся дагляды на беларуска-еўрапейскай мяжы, а чыгунку ахоўвалі сілавікі.
Па звестках таго ж EADaily, Крыгер ваяваў у замежным легіёне ГУР Украіны, які выданне называе «Палком Каліноўскага». Крыгера быццам бы ўзялі ў палон у лістападзе 2023 года і ў выніку выдалі беларускаму боку. Месяц таму грамадзяніна Германіі прысудзілі да расстрэлу.
«Наша Нiва» — бастыён беларушчыны
ПАДТРЫМАЦЬ
Слова «Унаватуна» значыць «рай». Дзе на Шры-Ланцы адпачывала Мельнікава13
Каментары