Лідскі піўзавод выпусціў піўны напой, замаскіраваны пад квас
Пра навінку Лідскага піўзавода напісалі ў тэлеграм-канале «Пиго Беларуси».
Аўтар канала піша пра выпуск «абсалютнага вар'яцтва пад назвай «Ясен квасен» і адзначае, што «нічога падобнага ад вялікіх заводаў мы не бачылі, ды і не чакалі ўбачыць».
Смаку новага напою ён акрэслівае так:
«Увогуле ж пілі жытні квас? Такі кісла-салодкі, хлебны, з насычаным смакам. Дык вось, гэта ён — адзін у адзін. Толькі гэта інавацыйны піўны напой з утрыманнем алкаголю 4,6%».
Алкаголь пры піцці гэтага напою нібыта не адчуваецца наогул, але «праз пару хвілін эфект прыходзіць».
Увогуле, на думку блогера, гэта:
«вельмі цікавая і падступная штука, якую можам ацаніць хутчэй як смелы эксперымент на тэму «глядзіце, як можам». У нішу піва не трапляе, у нішу квасу па зразумелых прычынах таксама, а вось асвяжыцца і ўзбадзёрыцца ў спякоту летам — окей».
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары
Лидский пивзавод ударил спиртом в квасе.