У сталіцы плануюць запусціць лічбавы сэрвіс для кіравання парковачнай прасторай. Як піша БелТА, праектам займаецца арганізацыя «Гаражы, аўтастаянкі і паркоўкі».
Па словах генеральнага дырэктара аб'яднання Андрэя Зыранава, гэта будзе сайт, на якім можна будзе зарэзерваваць любое месца і на платнай паркоўцы, і на ахоўнай стаянцы.
— Будзе дадзена магчымасць адразу аплаціць, атрымаць навігацыю. Пры неабходнасці адкрыецца шлагбаум або інспектар паркоўкі будзе ведаць, што месца аплачана.
Таксама на сайце можна будзе пакінуць заяўку на ўтылізацыю транспарту, які не эксплуатуецца, паведаміць аб парушэннях правілаў паркоўкі і стаянкі. Яшчэ адна карысная опцыя сэрвісу — з яго дапамогай можна будзе даведацца, куды эвакуіравалі аўтамабіль за парушэнні.
Як распавёў Андрэй Зыранаў, цяпер «Гаражы, аўтастаянкі і паркоўкі» рыхтуюць тэхнічны пашпарт гэтага праекта. У аб'яднанні разлічваюць у 2025 годзе атрымаць сродкі на рэалізацыю праекта з інавацыйнага фонду Мінгарвыканкама.
Цяпер чытаюць
Ціханоўскі расказаў, што трэба было рабіць у жніўні 2020-га56
Каментары
А сайт з браняваньнем працавацьме кепска і недакладна.
Але галоўнае, што ў нас няма прапежных капіталістычных прыватных вуліцаў.