U Minsku źjavicca sajt, dzie možna budzie braniravać płatnyja parkoŭki
U stalicy płanujuć zapuścić ličbavy servis dla kiravańnia parkovačnaj prastoraj. Jak piša BiełTA, prajektam zajmajecca arhanizacyja «Haražy, aŭtastajanki i parkoŭki».
Pa słovach hienieralnaha dyrektara abjadnańnia Andreja Zyranava, heta budzie sajt, na jakim možna budzie zareziervavać luboje miesca i na płatnaj parkoŭcy, i na achoŭnaj stajancy.
— Budzie dadziena mahčymaść adrazu apłacić, atrymać navihacyju. Pry nieabchodnaści adkryjecca šłahbaum abo inśpiektar parkoŭki budzie viedać, što miesca apłačana.
Taksama na sajcie možna budzie pakinuć zajaŭku na ŭtylizacyju transpartu, jaki nie ekspłuatujecca, paviedamić ab parušeńniach praviłaŭ parkoŭki i stajanki. Jašče adna karysnaja opcyja servisu — ź jaho dapamohaj možna budzie daviedacca, kudy evakuiravali aŭtamabil za parušeńni.
Jak raspavioŭ Andrej Zyranaŭ, ciapier «Haražy, aŭtastajanki i parkoŭki» rychtujuć techničny pašpart hetaha prajekta. U abjadnańni raźličvajuć u 2025 hodzie atrymać srodki na realizacyju prajekta ź inavacyjnaha fondu Minharvykankama.
Kamientary
A sajt z braniavańniem pracavaćmie kiepska i niedakładna.
Ale hałoŭnaje, što ŭ nas niama prapiežnych kapitalistyčnych pryvatnych vulicaŭ.