Зоркі першай велічыні і відовішчнае двухгадзіннае шоу чакаюць удзельнікаў і гледачоў Алімпіяды заўтра. Цырымонія закрыцця, упэўненыя французскія ўлады, чарговым разам «аслепіць усіх».
Цырымонія адкрыцця Алімпіяды ў Парыжы стала яркай культурнай падзеяй, спрэчкі вакол якой не сціхаюць па гэты дзень. З'явіліся незадаволеныя, і да справы падключылася французская паліцыя; там завялі справу пра пагрозы ў адрас мастацкага кіраўніка шоу Тама Жалі і яго каманды, піша Euronews.com
Цяпер Францыя і свет рыхтуюцца да закрыцця Гульняў, яно адбудзецца 11 жніўня ў нядзелю (пачатак а 21:15 па мінскім часе). Паводле Le Parisien, на шоу выступяць дзве культавыя французскія групы, Phoenix і AIR, вядомыя сваімі эксперыментамі з гукам.
Ці так гэта, свет даведаецца толькі ў нядзелю. Пакуль афіцыйна пра цырымонію вядома толькі тое, што яна носіць назву Records, доўжыцца дзве гадзіны і пройдзе на стадыёне Stade de France. Міністр спорту Францыі Амелі Удэа-Кастэра ўжо заявіла Радыё France Info, што «абсалютна ўпэўненая»: «Жалі і яго каманда зноў «аслепяць усіх».
Сярод зорак, якія могуць з'явіцца на цырымоніі, крыніцы называюць Снуп Дога і саму Тэйлар Свіфт. Апошняя ўжо прымала ўдзел у прома-роліках у падтрымку каманды ЗША. Журналісты мяркуюць, што зорка прыляціць на нядзельны выступ з Вены, дзе адмянілі яе канцэрты.
Сярод іншых зорак, заўважаных у Парыжы, як мяркуецца, для ўдзелу ў цырымоніі закрыцця — рэжысёр фільма «Барбі» Грэта Гервіг, а таксама Мішэль Йеа, Раян Гослінг і Ева Мендэс. Хадзілі чуткі, што на шоу 11 жніўня можа прыляцець і сам Леанарда Ды Капрыа.
Французскі аргкамітэт каментароў чакана не дае. Аднак там пацвердзілі, што Stade de France будзе пераўтвораная ў гіганцкую канцэртную залу, у якой разам з зоркамі першай велічыні выступяць сотні артыстаў, танцораў і цыркачоў.
Адразу некалькі крыніц кажуць, што на цырымоніі дакладна будзе Том Круз, які выканае небяспечны трук. Кажуць і тое, што скачок настолькі сур'ёзны, што не выключана прыцягнення каскадзёраў…
Так ці інакш тым Круз відавочна захоплены ідэяй Алімпіяды, ён быў заўважаны на многіх падзеях цяперашніх гульняў. А ў 2004 годзе ён дапамог пранесці паходню з алімпійскім агнём праз Лос-Анджэлес у рамках сусветнай эстафеты перад летнімі Алімпійскімі гульнямі ў грэцкіх Афінах.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый58
Каментары