У Капылі мужчына зняў дзяржсцяг з будынка, каб зрабіць фота. Гэта было дарма
У выніку мужчыну знайшлі па следзе рукі на трубе.
Фота: Дзяржкамітэт судовых экспертыз
З будынка Капыльскага тэрытарыяльнага цэнтра сацыяльнага абслугоўвання насельніцтва знік афіцыйны сцяг. Прадстаўнік адміністрацыі цэнтра звярнуўся ў міліцыю.
На месца адправілі цэлую следча-аператыўную групу разам з супрацоўнікамі Дзяржкамітэта судовых экспертыз. Спецыялісты апрацавалі паверхні будынка і на трубе знайшлі след рукі.
У выніку сілавікі затрымалі жыхара Салігорска 1994 года нараджэння. Мужчына расказаў, што забраў сцяг, каб зрабіць з ім фатаграфію.
Цяпер у дачыненні да яго распачалі крымінальную справу.
Цяпер чытаюць
20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася7
Каментары